ଫୁଲବାଣୀ,୨/୫: ଗତ ୨୮ ତାରିଖ ରାତିରେ ଜଣେ ନାବାଳିକା ଜଣଙ୍କ ବିବାହ ଭୋଜିରୁ ଫେରିବା ସମୟରେ ତିନିଜଣ ବ୍ୟକ୍ତି ମୋଟର ସାଇକେଲରେ ଭ୍ରୁଙ୍ଗିଜୋଡି ଗ୍ରାମ ନିକଟସ୍ଥ ଜଙ୍ଗଲକୁ ଅପହରଣ କରିନେଇ ଜଣକ ପରେ ଜଣେ ଦୁଷ୍କର୍ମ କରିଥିଲେ । କିଛି ସମୟ ପରେ ଅନ୍ୟ ଜଣେ ଯୁବକ ମଧ୍ୟ ଘଟଣାସ୍ଥଳକୁ ଆସି ନାବାଳିକାକୁ ଦୁଷ୍କର୍ମ କରିଥିଲା । ତାପରେ ଏହି ୪ଜଣ ଭୃଙ୍ଗିଜୋଡି ଗ୍ରାମ ନିକଟରେ ଚେତାଶୂନ୍ୟ ଅବସ୍ଥାରେ ନାବାଳିକାକୁ ଛାଡିଦେଇଥିଲେ । ୩୦ ତାରିଖରେ ନାବାଳିକାଙ୍କ ପିତା ଥାନାରେ ଏତଲା ଜଣାଇଥିଲେ । ଏହି ମାମଲା ପଞ୍ଜିକରଣର ୨୪ ଘଣ୍ଟା ମଧ୍ୟରେ ତିନିଜଣ ଅଭିଯୁକ୍ତ ପୋଲିସ ଦ୍ୱାରା ଗିରଫ ହୋଇଥିବା ବେଳେ ଅନ୍ୟ ଜଣେ ଅଭିଯୁକ୍ତ ଫେରାର ହୋଇଯାଇଛି । ଖୁବ୍ ଶୀଘ୍ର ତାକୁ ଗିରଫ କରାଯିବ ବୋଲି ଥାନା ଅଧିକାରୀ ପି ଶାମ ସୁନ୍ଦର ରାୟ କହିଛନ୍ତି । ଆଜି ଏହି ତିନିଜଣ ଅଭିଯୁକ୍ତଙ୍କୁ ଫିରିଙ୍ଗିଆ ପୋଲିସ ଥାନା ମାମଲା ନଂ ୫୩/୨୧ଧାରା ୩୬୩/୩୭୬/୬ ଆକ୍ଟରେ ଗିରଫ କରି କୋର୍ଟଚାଲାଣ କରିଛି ।