ଫୁଲବାଣୀ,୧୦/୧୦- କନ୍ଧମାଳ ଜିଲ୍ଲା ଖଜୁରୀପଡା ଥାନାରେ ନୂତନ ଅଧିକାରୀ ଭାବେ ଇନିସପେକ୍ଟର ତ୍ରିପତି ଚୌଧୁରୀ ଯୋଗ ଦେଇଛନ୍ତି । ଏହାପୂର୍ବରୁ ଶ୍ରୀ ଚୌଧୁରୀ ଜିଲ୍ଲା ପୁଲିସ ମୁଖ୍ୟାଳୟରେ ଗୁଇନ୍ଦା ବିଭାଗ ଦାୟିତ୍ୱରେ ଥିଲେ । ସେ ଆଗରୁ ଫୁଲବାଣୀ ଟାଉନଥାନାରେ କେ. ନୂଆଗାଁ ଥାନା ସହିତ ଅନେକ ଥାନା ଅଧିକାରୀ ଭାବେ ମଧ୍ୟ ସଫଳତାର ସହ କାର୍ଯ୍ୟ ତୁଲାଇଛନ୍ତି । ସୂଚନାଯୋଗ୍ୟ ଖଜୁରୀପଡା ଥାନା ଅଧିକାରୀ ରମାକାନ୍ତ ପାତ୍ରଙ୍କ ସାଧାରଣ ଲୋକଙ୍କ ପ୍ରତି ଦୁର୍ବ୍ୟବହାର ଓ ମାତ୍ରାଧିକ କାର୍ଯ୍ୟାନୁଷ୍ଠାନ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଅସନ୍ତୋଷ ଦେଖାଦେଇଥିଲା । ଏହାର ପ୍ରତିବାଦରେ ଗତ ୩ ତାରିଖରେ ଲୋକେ ଥାନା ଘେରାଉ କରିବା ସହ ରାସ୍ତା ଅବରୋଧ କରି ଥାନା ଅଧିକାରୀଙ୍କ ବହିଷ୍କାର ଦାବି କରିଥିଲେ । ଜିଲ୍ଲା ଆରକ୍ଷୀ ଅଧିକ୍ଷକ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରି ଶ୍ରୀ ପାତ୍ରଙ୍କୁ ଥାନା ଦାୟିତ୍ୱରୁ ଅନ୍ତର କରିବା ପାଇଁ ଦାବୀ କରିଥିଲେ । ପରେ ରାଜ୍ୟ ପୁଲିସ ମହାନିର୍ଦ୍ଦେଶକ ତାଙ୍କୁ କାର୍ଯ୍ୟରୁ ନିଲମ୍ବିତ କରିଥିଲେ । ଶୁକ୍ରବାର ଇନିସପେକ୍ଟର ଶ୍ରୀ ଚୌଧୁରୀ ଏହି ଥାନାର ନୂତନ ଅଧିକାରୀ ଭାବେ ଦାୟିତ୍ୱ ଗ୍ରହଣ କରିଛନ୍ତି । ତାଙ୍କର ଦାୟିତ୍ୱ ଗ୍ରହଣରେ ବୁଦ୍ଧିଜୀବୀ ମହଲରେ ବେଶ ଖୁସି ହୋଇଥିବା ଶୁଣିବାକୁ ମିଳିଛି ।