ଫୁଲବାଣୀ୨୯/୮: ଆଜି ଓଡିଶା ପୁଲିସ ଡିଜି ଅଭୟଙ୍କ ଦ୍ୱାରା କୋଟଗଡ଼ ପୁଲିସ ଥାନାର ନୂତନ କୋଠା ଉଦଘାଟନ ହୋଇଛି । ଓଡ଼ିଶା ପୁଲିସ ଡିଜି ବିଏସଏଫ ସ୍ୱତନ୍ତ୍ର ହେଲିକପ୍ଟରର ଯୋଗେ ୨.୩୦ମି ସମୟରେ ପହଞ୍ଚି ନୂତନ କୋଠାକୁ ଉଦଘାଟନ କରିଛନ୍ତି । ତାଙ୍କର ଏହି ଗସ୍ତ ସମୟରେ ସୁରକ୍ଷା ବ୍ୟବସ୍ଥାକୁୁ କଡାକଡି କରାଯାଇଥିଲା । ବାଟାଲିୟନ ଯବାନ ସୁରକ୍ଷା ଦାୟିତ୍ୱରେ ରହିଥିଲେ ଓ କନ୍ଧମାଳ ମାଓ ପ୍ରବଣ ଜିଲ୍ଲା ହୋଇଥିବାରୁ ତାଙ୍କ ଗସ୍ତ ସମୟରେ ଏହି ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଥିଲା ।
ଆଜିର ଏହି କାର୍ଯ୍ୟକ୍ରମରେ ଡିଜିଙ୍କ ସମେତ ଡିଆଇଜି ସତ୍ୟବ୍ରତ ଭୋଇ, ବ୍ରହ୍ମପୁର, କନ୍ଧମାଳ ଏସପି ଭିନୀତ ଅଗ୍ରୱାଲ, ଏସ୍.ଡି.ପି.ଓ ମନୋଜ ପୂଜାରୀ, କୋଟଗଡ଼ ଆଇଆଇସି ଧିରାଜ ଲେଙ୍କା, ବାଲିଗୁଡା ବିଧାୟକ ଚକ୍ରମଣି କହଁର, ସାଂସଦ ପ୍ରତିନିଧି ମନୋଜ ସାବତ ପ୍ରମୁଖ ଉପସ୍ଥିତ ଥିଲେ ।