ପୁରୀ,୨୫/୭- ଅନ୍ଧାରରେ ସାକ୍ଷୀଗୋପାଳର ପଞ୍ଚସଖା ସ୍ମୃତି ପାଠାଗାର । ଐତିହାସିକ ବକୁଳବନ ସମ୍ମୁଖରେ ଥିବା ଏହି ପାଠାଗାରରୁ ବିଦ୍ୟୁତ ସଂଯୋଗ ବିଚ୍ଛିନ୍ନ କରିଛି ବିଦ୍ୟୁତ ବିଭାଗ । ପ୍ରାୟ ୧୫ ଦିନ ହେବ ଅନ୍ଧାରରେ ରହିଛି ଏହି ପାଠାଗାର । ରାଜ୍ୟ ସରକାରଙ୍କ ସଂସ୍କୃତି ବିଭାଗ ଦାୟିତ୍ୱରେ ଅନେକ ଦିନ ହେବ ଏହି ପାଠାଗାର ରହିଥିବାବେଳେ ଏହାକୁ ବିଦ୍ୟୁତ ସଂଯୋଗ ବିଚ୍ଛିନ୍ନ କରିବା ଯୋଗୁଁ ଏହା ସ୍ଥାନୀୟ ଅଂଚଳର ବୁଦ୍ଧିଜୀବୀ ମାନଙ୍କ ମଧ୍ୟରେ ତୀବ୍ର ପ୍ରତିକିୟା ପ୍ରକାଶ ପାଇଛି । ମହାପୁରୁଷଙ୍କର ସ୍ମୃତି ପାଠାଗାରକୁ ବିଦ୍ୟୁତ ବିଭାଗ ବିଦ୍ୟୁତ ସଂଯୋଗ କାଟିବା ଅତ୍ୟନ୍ତ ଦୁଃଖ ଦାୟକ ବୋଲି ବୁଦ୍ଧିଜୀବୀ ମତ ରଖିଛନ୍ତି ।
ତୁରନ୍ତ ଟାଟା କମ୍ପାନୀ ପକ୍ଷରୁ ସ୍ମୃତି ପାଠାଗାରକୁ ବିଦ୍ୟୁତ ସଂଯୋଗ ଦେବାକୁ ସ୍ଥାନୀୟ ବାସିନ୍ଦା ଦାବି କରିଛନ୍ତି । ସେପଟେ କଣ ପାଇଁ କେଉଁ କାରଣରୁ ଏଠାରୁ ବିଦ୍ୟୁତ ସଂଯୋଗ ବିଚ୍ଛିନ୍ନ କରିଛି ବିଦ୍ୟୁତ ବିଭାଗ ଏହା ଉପରେ ଅନୁଧ୍ୟାନ କରାଯାଇ ବିଦ୍ୟୁତ ସଂଯୋଗ କରାଯିବ ବୋଲି କହିଛନ୍ତି ସ୍ଥାନୀୟ ବ୍ଲକ ଅଧକ୍ଷା ।