ପାରଳାଖେମୁଣ୍ଡି : ଗଜପତି ଜିଲ୍ଲା ଗୋଶାଣୀ ବ୍ଳକର କେରାଣ୍ଡି ପଞ୍ଚାୟତର ନୂଆ କେରାଣ୍ଡି ଗ୍ରାମରେ ଥିବା ରାମ ଲିଙ୍ଗେଶ୍ୱର ସେବା ସମବାୟ ସମିତି ପରିଦର୍ଶନ କଲେ ଜିଲ୍ଲା ଯୋଗାଣ ଅଧିକାରୀ ପ୍ରଫୁଲ୍ଲ କୁମାର ବେହେରା । ଚାଷୀଙ୍କ ଠାରୁ ଧାନ କ୍ରୟ କରିବା ସକାଶେ ଆଜିଠାରୁ ଟୋକେନ୍ ଦେଇ ମିଲର ମାନେ ଧାନ କ୍ରୟ କରିବା ପାଇଁ ନିର୍ଦ୍ଦେଶ ଦିଆଯାଇଛି । ଯଥା ଶୀଘ୍ର ଚାଷୀଙ୍କ ଧାନ କ୍ରୟ କରିବା ପାଇଁ ରାମ ଲିଙ୍ଗେଶ୍ୱର ସେବା ସମବାୟ ସମିତିର ସମ୍ପାଦକ ଇ . ରାମ ପ୍ରସାଦଙ୍କୁ ନିର୍ଦ୍ଦେଶ ଦେଇଛନ୍ତି । ତା ସହିତ ସନ୍ତୋଷୀ ମାଆ ସ୍ୱୟଂ ସହାୟକ ଗୋଷ୍ଠୀଙ୍କ ଜରିଆରେ ଧାନ ମଧ୍ୟ କ୍ରୟ କରିବା ସକାଶେ ନିର୍ଦ୍ଦେଶ ରହିଛି । ଚାଷୀଙ୍କ ସମସ୍ୟା ଆସିଲେ ତୁରନ୍ତ ପଦକ୍ଷେପ ନେଇ ସମାଧାନ କରାଯିବ ବୋଲି ଯୋଗାଣ ଅଧିକାରୀ ପ୍ରଫୁଲ୍ଲ କୁମାର ବେହେରା ଗଣମାଧ୍ୟମକୁ ସୂଚନା ଦେଇଛନ୍ତି ।