ରାୟଗଡ/୧୮/୮: ସୂଚନା ଓ ଲୋକସଂପର୍କ ବିଭାଗର ଦକ୍ଷିଣାଂଚଳ ଉପନିର୍ଦ୍ଦେଶକ ଗୁରବୀର ସିଂହ ଆଜି ଦିନକିଆ ରାୟଗଡ ଜିଲ୍ଲା ଗସ୍ତରେ ଆସି ଜିଲ୍ଳା ସୂଚନା ଓ ଲୋକ ସଂପର୍କ ବିଭାଗ କାର୍ଯ୍ୟାଳୟ ପରିଦର୍ଶନ କରିଛନ୍ତି । ଏହି ପରିଦର୍ଶନ ସମୟରେ ଶ୍ରୀ ସିଂହ କାର୍ଯ୍ୟାଳୟର ବିଭିନ୍ନ କାର୍ଯ୍ୟକାରିତା ପ୍ରଣାଳୀ, ହିସାବ ବିବରଣୀ ଉପରେ ଜିଲ୍ଳା ସୂଚନା ଓ ଲୋକ ସଂପର୍କ ଅଧିକାରୀ ବସନ୍ତ କୁମାର ପ୍ରଧାନଙ୍କ ସହ ପୁଙ୍ଖାନୁପୁଙ୍ଖ ଆଲୋଚନ କରିବା ସହ ସଠିକ୍ ଭାବେ ଏବଂ ନିୟମ ମୁତାବକ କାର୍ଯ୍ୟ ସଂପାଦନ କରିବା ନିମନ୍ତେ ନିର୍ଦ୍ଦେଶ ଦେଇଥିଲେ । ସେହିପରି କାର୍ଯ୍ୟାଳୟର ଅନୁମୋଦିତ କର୍ମଚାରୀଙ୍କ ପଦବୀ ସଂଖ୍ୟା,ଖାଲି ପଡିଥିବା ପଦବୀ ସଂଖ୍ୟା,କାର୍ଯ୍ୟାଳୟର ବିଭିନ୍ନ ଅସୁବିଧା,କର୍ମଚାରୀଙ୍କ ବ୍ୟକ୍ତିଗତ ସମସ୍ୟା,ସାମ୍ବାଦିକମାନଙ୍କ ବିଭିନ୍ନ ସମସ୍ୟା,ସୂଚନା କେନ୍ଦ୍ର ଓ ପାଠାଗାର ପରିଚାଳନା,ଉତ୍କଳ ପ୍ରସଙ୍ଗ,ଓଡିଶା ରିଭ୍ୟୁ ଆଦି ବିକ୍ରୟର ବିବରଣୀ ଉପରେ ମଧ୍ୟ ଅନୁଧ୍ୟାନ କରିଥିଲେ । ଏହା ପୂର୍ବରୁ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ରାୟଗଡ ସହରର ବିଭିନ୍ନ ସ୍ଥାନରେ ଲଗାଯାଇଥିବା ବିଲ୍ ବୋର୍ଡ (ହୋଡିଙ୍ଗ)କୁ ଅନୁଧ୍ୟାନ କରିଥିଲେ । ପରେ ସଂସ୍କୃତି ବିଭାଗର ମ୍ୟିୁଜିୟମ ପରିଦର୍ଶନ କରି ଏଠାରେ ସଂରକ୍ଷିତ ଥିବା ଦୁର୍ଲଭ ଉପକରଣକୁ ସଠିକ ଭାବେ ପରିଚାଳନା ପାଇଁ ପରାମର୍ଶ ଦେଇଥିଲେ । ଏହି ପରିଦର୍ଶନ ସମୟରେ କାର୍ଯ୍ୟାଳୟର ମୁଖ୍ୟ କିରାଣୀ ରାମଚନ୍ଦ୍ର ପାତ୍ର, ଗ୍ରନ୍ଥାଗାରିକ ଡମ୍ବୁରୁଧର ପଣ୍ଡା,ସହକାରୀ ସଂଚାଳକ ସମ୍ରାଟ ସାହୁ, ଶ୍ରୀକାନ୍ତ ବିଶ୍ୱାଳ,ରାଜେନ୍ଦ୍ର ଦୋରା, କାହ୍ମୁଚରଣ ପ୍ରଧାନ ପ୍ରମୁଖ ଉପସ୍ଥିତ ରହିଥିଲେ । ସେହିପରି ଉପନିର୍ଦ୍ଦେଶକ ଶ୍ରୀ ସିଂହ ଗୁଣପୁର ଉପଖଣ୍ଡ ସୂଚନା ଓ ଲୋକ ସଂର୍ପକ କାର୍ଯ୍ୟାଳୟ ମଧ୍ୟ ପରିଦର୍ଶନ କରିଥିଲେ ।