ନୂଆଦିଲ୍ଲୀ : ପୂର୍ବତନ କ୍ରିକେଟର ତଥା ବିଜେପି ସାଂସଦ ଗୌତମ ଗମ୍ଭୀର ଏବେ ପୂର୍ବତନ ଭାରତୀୟ ଅଧିନାୟକ ମହେନ୍ଦ୍ର ସିଂ ଧୋନୀଙ୍କ ସହ ବିତାଇଥିବା ପୁରୁଣା ଦିନକୁ ମନେ ପକାଉଛନ୍ତି । ସେ ଏକ ସୋ ଜରିଆରେ କହିଛନ୍ତି ଯେ, ଆମେ ଧୋନୀଙ୍କ ସହ କେବଳ କେଶ ଉପରେ ଚର୍ଚ୍ଚା କରିଥାଉ । ଗମ୍ଭୀର ଏକ ସିରିଜ ସମୟରେ ଧୋନୀଙ୍କ ରୁମ୍ ସେୟାର କରିଥିଲେ । ଗମ୍ଭୀର କହିଛନ୍ତି ଯେ, ଆମେ ମାସେରୁ ଅଧିକ ସମୟରେ ରୁମମେଟ୍ ଥିଲୁ । ଏହି ସମୟ ମଧ୍ୟରେ ବହୁଥର ଚୁଟି ଉପରେ ଚର୍ଚ୍ଚା କରିଥିଲୁ । କାରଣ ଧୋନୀଙ୍କ ଚୁଟି ସେହି ସମୟରେ ବଡ ବଡ ଥିଲା । ମୋର ମନେ ଅଛି ସେହି ସମୟରେ ବିଛଣାରୁ ଶୋଉଥିଲୁ । କାରଣ ଆମ ରୁମ୍ ଆକାର ଖୁବ ଛୋଟ ଥିଲା । ରୁମ ଛୋଟ ଥିବାରୁ ବେଡ ବାହାରକୁ ବାହାର କରି ଗଦି ମାଟିରେ ବିଛାଇ ଶୋଇଥିଲୁା ସେହି ସମୟ ଖୁବ୍ ମଜାଦାର ଥିଲା ବୋଲି ଏହି ବିଜେପି ସାଂସଦ ତଥା ପୂର୍ବତନ କ୍ରିକେଟର କହିଛନ୍ତି । ସେହି ସମୟରେ ଧୋନୀ ତାଙ୍କର ଅନ୍ତର୍ଜାତୀୟ କ୍ୟାରିଅର ଆରମ୍ଭ କରୁଥିଲେ ବୋଲି ଗମ୍ଭୀର କହିଛନ୍ତି ।