ଭୁବନେଶ୍ୱର : ଦେଶର ଶ୍ରେଷ୍ଠ ବିଧାୟକଙ୍କ ତାଲିକାରେ ଜୟପୁରର ବିଧାୟକ ତାରା ବାହିନୀପତିଙ୍କ ନାମ ସ୍ଥାନିତ ହୋଇଛି । ଓଡିଶାର ଏକମାତ୍ର ବିଧାୟକ ଭାବେ ଏହି ତାଲିକାରେ ସେ ସ୍ଥାନ ପାଇଛନ୍ତି । ବିଧାୟକମାନଙ୍କର କାର୍ଯ୍ୟଦକ୍ଷତା, ଲୋକସଂପର୍କ ଓ ବିଧାନସଭାରେ ବିତର୍କକୁ ନେଇ ପ୍ରସ୍ତୁତ ହୋଇଥିବା ଏକ ମାନଦଣ୍ଡ ଭିତରେ ଶ୍ରୀ ବାହିନୀପତିଙ୍କୁ ଏହି ତାଲିକାରେ ସ୍ଥାନ ଦିଆଯାଇଛି । ଯୋଗାଯୋଗ ସାମର୍ଥ୍ୟ ଓ କମ୍ୟୁନିକେସନ କାପାସିଟି ପାଇଁ ତାରା ଶ୍ରେଷ୍ଠ ୫୦ଜଣ ବିଧାୟକ ତାଲିକାରେ ସ୍ଥାନ ପାଇଛନ୍ତି । ଫେମ୍ ଇଣ୍ଡିଆ ଓ ଏସିଆ ପୋଷ୍ଟ ପକ୍ଷରୁ କରାଯାଇଥିବା ସର୍ଭେରେ ଶ୍ରୀ ବାହିନୀପତିଙ୍କୁ ଏହି ସୌଭାଗ୍ୟ ଦିଆଯାଇଛି । ଉଲ୍ଲେଖଯୋଗ୍ୟ ଯେ,ଶ୍ରୀ ବାହିନୀପତି ଓଡିଶା ବିଧାନସଭାରେ ତାଙ୍କର ଉପସ୍ଥାପନ ଶୈଳୀ ପାଇଁ ସବୁବେଳେ ଚର୍ଚ୍ଚିତ ରହିଥିବା ବେଳେ ନିଜ ନିର୍ବାଚନ ମଣ୍ଡଳୀରୁ ପ୍ରତିଥର ନିର୍ବାଚନ ଜିତି ରେକର୍ଡ ହାସଲ କରିଛନ୍ତି ।