କରାଚୀ : ପାକିସ୍ତାନ ଜାତୀୟ କ୍ରିକେଟ ଦଳର ମୁଖ୍ୟ କୋଚ ପଦ ଗ୍ରହଣ କରିବାକୁ ସାକଲେନ ମୁସ୍ତାକ ମନା କରିଦେଇଛନ୍ତି । ପିସିବିକୁ ଲେଖିଥିବା ଏକ ଚିଠିରେ ସେ ଉଲ୍ଲେଖ କରିଛନ୍ତି ଯେ କେତେକ ବ୍ୟକ୍ତିଗତ କାର୍ଯ୍ୟବ୍ୟସ୍ତତା କାରଣରୁ ସେ ଏହି ଦାୟିତ୍ୱ ପୂର୍ଣ୍ଣକାଳୀନଭାବେ ଗ୍ରହଣ କରିବାକୁ ଅକ୍ଷମ । ପାକିସ୍ତାନର ଏହି ପୂର୍ବତନ ସ୍ପିନର ଏହା ପୂର୍ବରୁ ଅନ୍ତରୀଣ ମୁଖ୍ୟକୋଚଭାବେ କାର୍ଯ୍ୟ କରିଛନ୍ତି । ଗତବର୍ଷ ସେପ୍ଟେମ୍ବର ଠାରୁ ସେ ଏହି ଦାୟିତ୍ୱରେ ଅଛନ୍ତି । କିନ୍ତୁ ପୂର୍ଣ୍ଣକାଳୀନଭାବେ ଏହି ଦାୟିତ୍ୱ ତୁଲାଇବାକୁ ଅକ୍ଷମ । କାରଣ,ତାଙ୍କର କେତେକ ବ୍ୟକ୍ତିଗତ କାର୍ଯ୍ୟବ୍ୟସ୍ତତା ରହିଛି । ଅନ୍ତରୀଣ ମୁଖ୍ୟ କୋଚଭାବେ କାର୍ଯ୍ୟ କରିବାକୁ ବୋଡର଼୍ ତାଙ୍କୁ ସୁଯୋଗ ଦେଇଥିବାରୁ ସେ କୃତଜ୍ଞ । କିନ୍ତୁ ଦୀର୍ଘମିଆଦୀ ସୂତ୍ରରେ ଏହି ପଦ ଗ୍ରହଣ କରିପାରିବେ ନାହିଁ । ପାକିସ୍ତାନ ଟିମ ପାଇଁ କାର୍ଯ୍ୟରେ ବ୍ୟସ୍ତ ରହିବା କାରଣରୁ ତାଙ୍କର ଅନ୍ୟାନ୍ୟ କାର୍ଯ୍ୟକଳାପ ପ୍ରଭାବିତ ହୋଇସାରିଛି । ତାହା ଆଉ ଅଧିକ ପ୍ରଭାବିତ ହେଉ ବୋଲି ସେ ଚାହୁଁ ନାହାନ୍ତି । ତେଣୁ ବୋଡର଼୍ ଜଣେ ସ୍ଥାୟୀ ତଥା ପୂର୍ଣ୍ଣକାଳୀନ ମୁଖ୍ୟ କୋଚ ନିଯୁକ୍ତି ଦିଗରେ କାର୍ଯ୍ୟ କରିବା ଆବଶ୍ୟକ ବୋଲି ସେ କହିଛନ୍ତି ।