ଫୁଲବାଣୀ:କନ୍ଧମାଳ ସାଂସଦ ଡ. ଅଚ୍ୟୁତ ସାମନ୍ତ ୩ ଦିନିଆ କନ୍ଧମାଳ ଗସ୍ତରେ ଆସି ଆଜି ଦ୍ୱିତୀୟ ଦିନରେ ପ୍ରଥମେ ଫୁଲବାଣୀ ମେଡିକାଲ କଲେଜର ଭିତ୍ତି ଭୂମି ଓ ନିର୍ମାଣର ଅଗ୍ରଗତି ଦେଖି ସେଠାରୁ ଟିକାବାଲି ବ୍ଲକର ପିକାରଡି ଗ୍ରାମ ପଞ୍ଚାୟତର ପଂଚାୟତ ଗୃହର ଉଦଘାଟନ କରିବାସହ କୋଭିଡ଼ ଗାଇଡ଼ଲାଇନ ମାନି ଏକ ସାଧାରଣ ସଭାରେ ଯୋଗଦେଇଥିଲେ ।
ସେଠାରୁ ସେହି ପଞ୍ଚାୟତର କାମ୍ବାନାଜୁ, ଗସାଗୁଡା, ଓ ମକ ବିଦିଙ୍ଗିଆଠାରେ ଅଙ୍ଗନବାଡି ଗୃହର ଶୁଭ ଉଦଘାଟନ କରିଥିଲେ । ଏଥି ସହିତ ସାଂସଦଙ୍କ ଦ୍ୱାରା ଗ୍ରାମବାସୀଙ୍କୁ ମାସ୍କ ବଣ୍ଟନ କରାଯାଇଥିଲା । ସାଂସଦଙ୍କ ସହ ଟିକାବାଲି ବ୍ଲକ ସଭାପତି ରୋଦନ ମଲିକ ମଧ୍ୟ ଉପସ୍ଥିତ ଥିଲେ ।