ଫୁଲବାଣୀ : ଖଜୁରିପଡା ବ୍ଲକ ଅନ୍ତର୍ଗତ ସରକାରୀ ଉଚ୍ଚ଼ ବିଦ୍ୟାଳୟ ସୁଡ୍ରେଜୁ ତରଫରୁ ସୁଡ଼ରୁକୁମ୍ପା ନିକଟରେ ଥିବା ଆଇଆର୍ବି ଯବାନମାନଙ୍କ ହାତରେ ରକ୍ଷା ବନ୍ଧନ କାଯ୍ୟକ୍ରମ ଅନୁଷ୍ଠିତ ହୋଇଯାଇଥିଲା । ଯବାନମାନେ ନିଜର ପରିବାର ଛାଡି ଦେଶ ସେବାରେ ନିଜକୁ ସମର୍ପିତ କରିଛନ୍ତି । ଏହି ପବିତ୍ର ରାକ୍ଷୀ ବନ୍ଧନ ଦ୍ୱାରା ସେମାନ ବହୁ ଭାବବିହ୍ୱଳ ହୋଇପଡିଥିଲେ । ଏହି କାଯ୍ୟକ୍ରମରେ ଫୁଲବାଣୀ ସରକାରୀ କଲେଜର ରାଜନୀତି ବିଜ୍ଞାନ ଅଧ୍ୟାପକ ଦୁଷ୍ମନ୍ତ ମାର୍ଥା ମୁଖ୍ୟ ଅତିଥି ଭାବରେ ଯୋଗ ଦେଇ ଭାରତ ମାତାର ଯୋଗ୍ୟ ସନ୍ତାନ ବୀର ଯବାନମାନଙ୍କ ଦେଶ ପ୍ରତି ଥିବା ସମର୍ପଣ ଓ ବଳିଦାନକୁ ଗାନ କରିବା ସହ ଯବାନ ମାନେ ଆମ ସମସ୍ତ ଭାରତୀୟମାନଙ୍କ ଭାଇ ବୋଲି ସମ୍ବୋଧନ କରିବା ସହ ଆମ ସମସ୍ତ ଙ୍କୁ ରକ୍ଷା କରିବାର ପ୍ରତିବଦ୍ଧତା ରୂପକ ଉପହାର ପ୍ରତିଶୃତି ଦେଇ ଛାତ୍ରୀମାନେ ରାକ୍ଷୀ ବାନ୍ଧିଥିଲେ । ଏହି ସଭାରେ ସଭାପତି ଭାବରେ ଭାବରେ ମନୋଜ କୁମାର ପଟ୍ଟନାୟକ ସଭା ପରିଚାଳନା କରିଥିଲେ । ବିଦ୍ୟାଳୟର ପ୍ରଧାନ ଶିକ୍ଷକ ପ୍ରଭାକର ତ୍ରିପାଠୀ, ସହକାରୀ ଶିକ୍ଷକ ବିକ୍ରମ କେଶରୀ ରଣା, ଚାନ୍ଦ କୁମାରୀ ପ୍ରଧାନ, ସସ୍ମିତା ସାହୁ ସମସ୍ତ ପ୍ରକାର ଆୟୋଜନ କରିଥିଲେ । ଶେଷରେ ସମସ୍ତ ଯବାନ ଭାଇମାନେ ନିଜର ଭାବାବେଗ ପ୍ରକାଶ କରିଥିଲେ । ଛାତ୍ରୀଭଉଣୀଙ୍କୁ ରାକ୍ଷୀର ମାନ ରଖିବୁ ବୋଲି ପ୍ରତିଶ୍ରୁତି ଦେଇଥିଲେ ।