ସମ୍ବଲପୁର, ୪/୧୦- ବାଉଁଶ ବଣ ମଧ୍ୟରେ ଜୁଆ ଖେଳୁଥିବା ବେଳେ ସ୍ଥାନୀୟ ସଦରଥାନା ପୁଲିସ ୪ଜଣଙ୍କୁ ଗିରଫ କରିଛି । ଏବିଷୟରେ ପୁଲିସ ମୁଖ୍ୟାଳୟ ସୂତ୍ରରୁ ପ୍ରାପ୍ତ ସୂଚନା ଅନୁସାରେ ଏକ ବିଶ୍ୱସ୍ତ ସୂତ୍ରରୁ ଖବରପାଇ ପେଟ୍ରୋଲିଂ ପୁଲିସଦଳ ସେଠାରେ ଚଢ଼ାଉ କଲାବେଳେ ଆବଶ୍ୟକ ପ୍ରମାଣପାଇଁ ଦୁଇ ଜଣ ସ୍ୱତନ୍ତ୍ର ସାକ୍ଷୀଙ୍କୁ ସାଙ୍ଗରେ ଧରି ଯାଇଥିଲେ । ଏହି ଗିରଫ ଅଭିଯୁକ୍ତମାନଙ୍କୁ ସି ଶିବଶଙ୍କର (୩୨), ବିବେକ ନାୟକ (୪୦), ଏସ ରମେଶ ରାଓ (୪୫) ଓ ୱାଇ ରାଜି ଅଗ୍ରୱାଲ ରୂପେ ଚିହ୍ନଟ କରାଯାଇଛି । ସେମାନଙ୍କ ଠାରୁ ୫୯ ହଜାର ୬୪୦ ଟଙ୍କା ନଗଦ, ଦୁଇ ପ୍ୟାକେଟ ତାସ, ୪ଟି ମୋବାଇଲ ଫୋନ, ଗୋଟିଏ ମୋଟର ସାଇକେଲ ଓ ଗୋଟିଏ କାର ଜବତ କରାଯାଇଛି । ଏହି ସନ୍ଦର୍ଭରେ ସଦର ଥାନାରେ ଏକ ମାମଲା ରୁଜୁ କରାଯାଇ ଏବିଷୟରେ ଆଗକୁ ତଦନ୍ତ ଜାରି ରଖାଯାଇଛି ।