ସମ୍ବଲପୁର: ସମ୍ବଲପୁର ରେଳ ମଣ୍ଡଳରେ ସ୍ୱଚ୍ଛ ରେଳ ସ୍ୱଚ୍ଛ ଭାରତ ସ୍ୱଚ୍ଛତା ପାକ୍ଷିକ ୧୬ ସେପ୍ଟେମ୍ବରରୁ ୩୦ ସେପ୍ଟେମ୍ବର ୨୦୨୦ ମଧ୍ୟରେ ଆୟୋଜନ କରାଯାଉଅଛି । ଏହି ଅବସରରେ ସ୍ୱଚ୍ଛତା ପାକ୍ଷିକର ବିଭିନ୍ନ ଦିବସରେ ସ୍ୱଚ୍ଛ ସଚେତନତା, ସ୍ୱଚ୍ଛ ସମ୍ମାନ, ସ୍ୱଚ୍ଛ ଷ୍ଟେସନ, ସ୍ୱଚ୍ଛ ରେଳଗାଡି, ସ୍ୱଚ୍ଛ ପରିସର, ସ୍ୱଚ୍ଛ ଆହାର, ସ୍ୱଚ୍ଛ ଅଭିଯାନ, ସ୍ୱଚ୍ଛ ପ୍ରସାଧାନ, ସ୍ୱଚ୍ଛ ନୀର, ସ୍ୱଚ୍ଛ ପ୍ରତିଯୋଗୀତାର ଆୟୋଜନ କରାଯିବ । ଆଜି ସ୍ୱଚ୍ଛ ସଚେତନତା ଦିବସ ଅଟେ । ଏହି ଅବସରରେ ମଣ୍ଡଳ ରେଳ ପ୍ରବନ୍ଧକ, ସମ୍ବଲପୁର ପ୍ରଦୀପ କୁମାର ରେଳ କର୍ମଚାରୀ ଓ ଅଧିକାରୀମାନଙ୍କୁ ଭର୍ଚୁଆଲ ମାଧ୍ୟମରେ ସ୍ୱଚ୍ଛତାର ଶପଥ ଗ୍ରହଣ କରାଇଥିଲେ । ଏହି ଅବସରରେ ଡିଆର୍ଏମ୍ ପ୍ରଦୀପ କୁମାର କହିଲେ ଯେ, ନିଜ ନିଜର ପରିବେଶକୁ ସ୍ୱଚ୍ଛ ରଖିବା ଦ୍ୱାରା ଆମର ଏହି ପୃଥିବୀ ସବୁଜ ହୋଇଯିବ । ୧୭ ସେପ୍ଟେମ୍ବର ଓ ୧୮ ସେପ୍ଟେମ୍ବର ୨୦୨୦ ମଣ୍ଡଳର ବିଭିନ୍ନ ଷ୍ଟେସନରେ ସ୍ୱଚ୍ଛ ସମ୍ବାଦ ଆୟୋଜନ କରାଯିବ ।