ଘୁ ଉଦୟଗିରି: ସ୍ଥାନୀୟ ଟେଲିଫୋନ ଭବନ ନିକଟରୁ ଏକ ୬ ଫୁଟ ଲମ୍ବ ବିଶିଷ୍ଟ ଏକ ବିଷାକ୍ତ ଅଜଗର ସାପ ସ୍ନେକ୍ ହେଲ୍ପ ଲାଇନ୍ ଟିମ୍ ପକ୍ଷରୁ ଉଦ୍ଧାର କରାଯାଇଛି । ସୂଚନା ଅନୁସାରେ ଅଜଗର ସାପ ସ୍ଥାନୀୟ ଲୋକ ଦେଖିଥିଲେ ଓ ତୁରନ୍ତ ଉଦ୍ଧାର କରି ଦଳକୁ ଫୋନ୍ ମାଧ୍ୟମରେ ଖବର ଦେଇଥିଲେ । ଉଦ୍ଧାରକାରୀ ଦଳ ଜିତୁ, କାଳିଆ, ଜାଗା, ରାଜୀବ, ବାବୁନା ଘଟଣା ସ୍ଥଳକୁ ପହଞ୍ଚି ସାପକୁ ଉଦ୍ଧାର କରିଥିଲେ । ଏହି ଦଳ ଅନେକ ସାପ ଉଦ୍ଧାର କରି ଜଙ୍ଗଲରେ ଛାଡିଛନ୍ତି । ଆଜି ସେହିପରି ଭାବରେ ଏହି ଅଜଗର ସାପକୁ ଉଦ୍ଧାର କରିଛନ୍ତି । ସାପଟି ବଡ ଥିବାରୁ ଅନେକ ଭୟଭୀତ ଥିଲେ କିନ୍ତୁ ଏହି ସାପ ଉଦ୍ଧାରକାରୀ ଦଳ ଚତୁରତାର ସହିତ ଉଦ୍ଧାର କରି ସୁରକ୍ଷିତ ଭାବରେ ଜଙ୍ଗଲରେ ଛାଡିଥିବା ଦଳ ପକ୍ଷରୁ ପ୍ରକାଶ କରିଛନ୍ତି । ଉଦ୍ଧାରକାରୀ ଦଳ ପକ୍ଷରୁ ସାଧାରଣ ଜନତାଙ୍କୁ ନିବେଦନ କରିଛନ୍ତି ଯେ କୌଣସି ଜାଗାରେ ଯଦି ସାପକୁ ଦେଖନ୍ତି ତେବେ ତୁରନ୍ତ ଏହି ଦଳକୁ ଖବର ଦେବାକୁ କହିଛନ୍ତି,ଯେପରି ସେମାନେ ପହଞ୍ଚି ସୁରକ୍ଷିତ ଭାବରେ ଉଦ୍ଧାର କରିବେ ଓ ଜଙ୍ଗଲରେ ଛାଡ଼ିବେ । ଆଜି ଏହି ଅଜଗର ସାପକୁ ଉଦ୍ଧାର କରି କଳିଙ୍ଗା ଘାଟି ଜଙ୍ଗଲରେ ଛାଡିଥିବା ପ୍ରକାଶ କରିଛନ୍ତି ।