ସୁବର୍ଣ୍ଣପୁର ୧୬/୫- ଆଜି ସୁବର୍ଣ୍ଣପୁର ଜିଲ୍ଲା ସଦର ବ୍ଲକର ଲଛିପୁର ଫାଣ୍ଡି ଅନ୍ତର୍ଗତ ଗୋବିନ୍ଦପୁର ଗ୍ରାମରେ ସାମାନ୍ୟ କଥାକୁନେଇ ଜଣେ ସାଙ୍ଗ ତାର ଅନ୍ୟଜଣେ ସାଙ୍ଗକୁ ଧାରୁଆ ଅସ୍ତ୍ରରେ ମରଣାନ୍ତକ ଆକ୍ରମଣ କରିଛି । ଘଟଣାରୁ ପ୍ରକାଶ ଯେ ଆଜି ଗୋବିନ୍ଦପୁର ଗ୍ରାମର ମୁକେଶ ବଗର୍ତ୍ତି (୨୨) ତାଙ୍କ ଗ୍ରାମ ନିକଟବର୍ତ୍ତୀ ଆମ୍ବ ତୋଟାକୁ ଆମ୍ବ ପାଇଁ ଯାଇଥିଲେ ସେ ସମୟରେ ତାଙ୍କର ଜଣେ ଘନିଷ୍ଠ ସାଙ୍ଗ ପ୍ରମୋଦ କୁମ୍ଭାର (୨୮) ମଧ୍ୟ ଉକ୍ତ ସ୍ଥାନରେ ପହଞ୍ଚି ଥିଲେ ହେଲେ କୌଣସି ଏକ କଥାକୁ ନେଇ ପ୍ରଥମେ କଥାକଟାକଟି ହୋଇ ଉଭୟଙ୍କ ମଧ୍ୟରେ ବଚସା ହୋଇଥିଲା ତେବେ ହଠାତ ଉତକ୍ଷିପ୍ତ ହୋଇ ମୁକେଶ ନିଜ ପାଖରେରଖିଥିବା ଏକ ଧାରୁଆ ଅସ୍ତ୍ରରେ ପ୍ରମୋଦଙ୍କ ବେକକୁ କାଟିଦେଇ ଘଟଣା ସ୍ଥଳରୁ ଫେରାର ମାରିଥିଲା । ପରେ ଘଟଣା ସ୍ଥଳରେ ପରିବାର ଲୋକେ ପହଞ୍ଚି ପ୍ରମୋଦକୁ ସୁବର୍ଣ୍ଣପୁର ମୁଖ୍ୟ ଡାକ୍ତରଖାନାରେ ଭର୍ତ୍ତି କରିଥିଲେ ହେଲେ ଅବସ୍ଥା ସଙ୍କଟାପନ୍ନ ହେବାରୁ ପ୍ରାଥମିକ ଚିକିତ୍ସା ପରେ ପ୍ରମୋଦକୁ ବୁର୍ଲା ବଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି । ବର୍ତ୍ତମାନ ପର୍ଯ୍ୟନ୍ତ ପ୍ରମୋଦଙ୍କ ପରିବାର ପକ୍ଷରୁ ସ୍ଥାନୀୟ ଫାଣ୍ଡିରେ ଲିଖିତ ଅଭିଯୋଗ ହୋଇନଥିଲା ବେଳେ ଘଟଣାସ୍ଥଳରେ ପୋଲିସ ପହଞ୍ଚି ଅଭିଯୁକ୍ତକୁ ଗିରଫ କରିବାପାଇଁ ସମସ୍ତ ଚେଷ୍ଟା ଚଳାଇଥିବା ଫାଣ୍ଡି ଅଧିକାରୀ ସରୋଜ ପାଣିଗ୍ରାହୀ ସୂଚନା ଦେଇଛନ୍ତି ।