ସୁବର୍ଣ୍ଣପୁର,୭/୭- ଆଜି ଭାରତୀୟ କ୍ରିକେଟ ଦଳର ପୂର୍ବତନ କ୍ରିକେଟର ତଥା ସଫଳତମ ଅଧିନାୟକ ମହେନ୍ଦ୍ର ସିଂ ଧୋନିଙ୍କ ୪୦ ତମ ଜନ୍ମଦିନ ଉପଲକ୍ଷେ ବିଶିଷ୍ଟ ଧୋନି ପ୍ରଶଂସକ ଦିନେଶ ମିଶ୍ର ଏବଂ ଧୋନିଙ୍କ ଅନ୍ୟାନ୍ୟ ପ୍ରଶଂସକ ମାନଙ୍କ ପ୍ରଚେଷ୍ଟାରେ ପିନାକିନୀ ପୋଲି କ୍ଲିନିକ୍ ସୋନପୁର ଠାରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା । ଏହି ରକ୍ତଦାନ ଶିବିରରେ ଧୋନିଙ୍କ ୪୦ ତମ ଜନ୍ମ ଦିବସ ହୋଇଥିବାରୁ ୪୦ ୟୁନିଟ ରକ୍ତ ସଂଗ୍ରହ କରାଯାଇଥିଲା । ଏହି ରକ୍ତଦାନ ଶିବିରକୁ ଜିଲ୍ଲାପାଳ ସୁବର୍ଣ୍ଣପୁର ଶ୍ରୀମତୀ ଅବୋଲି ସୁନିଲ ନରୱଣେ ମୁଖ୍ୟ ଅତିଥି , ଶ୍ରୀ ସୀତାରାମ ଶତପଥି, ଏସ.ପି ସୁବର୍ଣ୍ଣପୁର, ଶ୍ରୀ ସୂର୍ଯ୍ୟ ନାରାୟଣ ଦାସ ,ଅତିରିକ୍ତ ଜିଲ୍ଲାପାଳ, ଅମରେନ୍ଦ୍ର ପାଣିଗ୍ରାହୀ , ରିଜର୍ଭ ଇନ୍ସପେକ୍ଟର ଏବଂ କେ.ବର୍ଷା ଦେବୀ ଇନ୍ସୁରେନ୍ସ ଏଡଭାଇଜର ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ଏହି ରକ୍ତଦାନ ଶିବିରକୁ ସଫଳ କରିବା ପାଇଁ କୁମୁଦ ମେହେର, ପୁରୁଷୋତ୍ତମ ପାତ୍ର, ଅରବିନ୍ଦ ବାରିକ, ମନୋଜ ପଣ୍ଡା, ମନୋଜ ସେଠୀ, ଜିତୁ ସାହୁ ,ଜ୍ୟୋତି ମିଶ୍ର, ରୁଦ୍ର ଦାସ, ଓମ୍ ପ୍ରକାଶ ମିଶ୍ର , ରିଆଁଜ ଇସଲାମ ଓ ବିନୋଦ ବଘାର ପ୍ରମୁଖ ସହଯୋଗ କରିଥିଲେ ।