ସୁବର୍ଣ୍ଣପୁର,୧୯/୭- ସୁବର୍ଣ୍ଣପୁର ଜିଲ୍ଲା ତରଭା ବ୍ଲକ ପଣ୍ଡିକିମାଲ ଗାଁ ରେ ଘଟିଛି ଅଘଟଣ । ବିଦ୍ୟୁତ ସଂସ୍ପର୍ଶରେ ଆସି ଦୁଇ ଜଣଙ୍କର ମୃତ୍ୟୁ ଘଟିଛି । ମୃତକ ଦୁଇଜଣ ହେଲେ ତରଭା ବ୍ଲକ ଅନ୍ତର୍ଗତ ପଣ୍ଡକିମାଲ ଗ୍ରାମର ରାଧେଶ୍ୟାମ ସାହୁ ଏବଂ ଗୋପ ସାହୁ । ଉଭୟେ ବିଲରେ ପାଣି ପମ୍ପ ଲଗାଇବା ସମୟରେ ବିଦ୍ୟୁତ ଆଘାତ ଲାଗିଥିଲା । ସେମାନଙ୍କୁ ୧୦୮ ଆମ୍ବୁଲାନ୍ସ ସାହାଯ୍ୟରେ ତରଭା ଡାକ୍ତରଖାନାକୁ ଅଣାଯାଇଥିଲା ହେଲେ ସେଠାରେ ପହଞ୍ଚିବା ପରେ ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ ।
ଏପରି ଏକ ଦୁର୍ଘଟଣାରେ ଦୁଇ ଦୁଇଟା ଅମୂଲ୍ୟ ଜୀବନ ଚାଲିଯାଇଥିବା ଯୋଗୁଁ ଉକ୍ତ ଅଞ୍ଚଳରେ ଗଭୀର ଶୋକ ପ୍ରକାଶ ପାଇଛି ।