ବସ୍ ଧକ୍କାରେ ବାଇକ୍ ଆରୋହୀ ମୃତ

ବୌଦ୍ଧ : ଆଜି ଅପରାହ୍ନ ପ୍ରାୟ ୫ ଘଣ୍ଟା ସମୟରେ ବାଉଁଶୁଣୀ ଛକ ନିକଟରେ ବାଇକକୁ ବସ୍ ଧକ୍କା ଦେବାରୁ ଘଟଣାସ୍ଥଳରେ ବାଇକ୍ ଆରୋହୀଙ୍କ ମୃତ୍ୟୁ ଘଟିଛି । ମିଳିଥିବା ସୂଚନା ଅନୁଯାୟୀ ଆଜି ଅପରାହ୍ନ ୫ ଘଣ୍ଟା ବେଳେ ଡୁମୁରୀପାଲି ଗ୍ରାମର କ୍ଷେତ୍ର ଦେହୁରୀ (୭୦) ବାଇକରେ ଏକ ଗ୍ୟାସ୍ ସିଲିଣ୍ଡର ଧରି ଡୁମୁରୀପାଲି ଫେରୁଥିଲେ । ଏହି ସମୟରେ ଗଞ୍ଜାମରେ ଶ୍ରମିକଙ୍କୁ ଛାଡି ସୁରଟ ଫେରୁଥିବା ବସ୍ ଧକ୍କା ଦେଇଥିଲା । ଘଟଣା ସ୍ଥଳରେ ହିଁ ତାଙ୍କ ର ମୃତ୍ୟୁ ଘଟିଥିଲା I ମୃତକ ବ୍ୟକ୍ତି ଜଣକ ଜଣେ ଅବସରପ୍ରାପ୍ତ ବ୍ୟାଙ୍କ କର୍ମଚାରୀ ବୋଲି ଜଣାପଡିଛି ।ମୃତ ପରିବାର କୁ କ୍ଷତି ପୂରଣ ଦାବିରେ ସ୍ଥାନୀୟ ଲୋକଙ୍କ ଦ୍ବାରା ଜାତୀୟ ରାଜପଥ ନମ୍ବର୍ 57 ରେ ରାସ୍ତାରୋକ୍ କରା ଯାଇଥିଲା l ଖବର ପାଇ ବଉଦ ତହସିଲଦାର ଓ ଅତିରିକ୍ତ ତହସିଲଦାର ଘଟଣାସ୍ଥଳରେ ପହଂଚି ଲୋକଙ୍କୁ ବୁଝା ଶୁଝା କରିଥିଲେ | ପ୍ରଶାସନ ଦ୍ବାରା ରେଡ଼କ୍ରଶ୍ ପାଣ୍ଠିରୁ ମୃତ ପରିବାରକୁ 10000 ଟଂକାର ସହାୟତା ପ୍ରଦାନ କରାଯାଇଥିଲା |