ବୌଦ୍ଧ : ରାଜଧାନୀ ଦିଲ୍ଲୀରେ ଜୀବନ ବୀମା ନିଗମ ଫେଡେରେସନର ସର୍ବ ଭାରତୀୟସ୍ତରୀୟ ଜେନେରାଲ ବଡି ବୈଠକ ଅନୁଷ୍ଠିତ ହୋଇଯାଇଛି । ଓଡ଼ିଆ ମାଟିର ପୁଅ ତଥା ବୌଦ୍ଧର ଗର୍ବ ସମାଜସେବୀ ଶୁଭେନ୍ଦୁ ପଟ୍ଟନାୟକ ପୂର୍ବ-ମଧ୍ୟ କ୍ଷେତ୍ର (ଓଡିଶା, ବିହାର, ଝାରଖଣ୍ଡ )ର ଦ୍ୱିତୀୟ ଥର ପାଇଁ ସମ୍ପାଦକ ରୂପେ ନିର୍ବାଚିତ ହୋଇଛନ୍ତି । ଏହାପରେ ତାଙ୍କୁ ଶୁଭେଚ୍ଛାର ସୁଅ ଛୁଟିଛି । ଏହା ପୂର୍ବରୁ ଶ୍ରୀ ପଟ୍ଟନାୟକ ବହୁ ଗୁରୁତ୍ୱପୂର୍ଣ୍ଣ ଦାୟିତ୍ୱ ତୁଲାଇବା ସହ ଫୁଲବାଣୀ ଜୀବନବୀମା ସଂଘର ଉପସଭାପତି, ବ୍ରହ୍ମପୁର ଡିଭିଜନର ସଭାପତି, ରୋଟାରୀ କ୍ଲବର ସମ୍ପାଦକ, ସଭାପତି,ଏଜି ସୁବର୍ଣ୍ଣପୁର ଏବଂ ନୟାଗଡ କାର୍ଯ୍ୟ ତୁଲାଇଛନ୍ତି । ସେହିପରି ସ୍ୱଳ୍ପ ସଂଚୟ ଫୁଲବାଣୀ ସଂଗଠନର ସମ୍ପାଦକ ରୂପେ ମଧ୍ୟ ସେ କାର୍ଯ୍ୟ କରିଛନ୍ତି ।