କେନ୍ଦୁଝର : ଆସନ୍ତାକାଲି ମା ତାରିଣୀ ମନ୍ଦିର ଭକ୍ତଙ୍କ ପାଇଁ ବନ୍ଦ ରହିବ । ଏ ନେଇ ମା ତାରିଣୀ ଠାକୁରାଣୀ ଟେମ୍ପୁଲ ଟ୍ରଷ୍ଟ ପକ୍ଷରୁ ସୂଚନା ଦିଆଯାଇଛି । ଆସନ୍ତାକାଲି ମକର ସଂକ୍ରାନ୍ତୀ ଥିବାରୁ ମନ୍ଦିରରେ ଗହଳି ବଢିବାର ଆଶଙ୍କା ରହିଛି । ତେଣୁ ଏହାକୁ ଆଖି ଆଗରେ ଜିଲ୍ଲା ପ୍ରଶାସନ ପକ୍ଷରୁ ଏହି ନିଷ୍ପତ୍ତି ନିଆଯାଇଛି । ମନ୍ଦିର ପରିସର ଭିତରକୁ ଭକ୍ତଙ୍କୁ ପ୍ରବେଶ ପାଇଁ ଅନୁମତି ମିଳିବ ନାହିଁ । ମାତ୍ର ପ୍ରତ୍ୟେକ ଦିନ ପରି ମାଙ୍କ ବେଶ, ନୀତିକାନ୍ତି, ସକାଳ ଆଳତୀ, ଅନ୍ନପ୍ରସାଦ ନୀତି, ସଂଧ୍ୟା ଆଳତୀ ଓ ପହଡ ଆଳତୀ ଯଥାରିତି ସଂପନ୍ନ ହେବ ।
ସୂଚନାଯୋଗ୍ୟ ଯେ, ରାଜ୍ୟ ସରକାରଙ୍କ କୋଭିଡ ଗାଇଡଲାଇନ ଅନୁଯାୟୀ ବିନା ଭୋଗରେ ଭକ୍ତଙ୍କ ସାଧାରଣ ଦର୍ଶନ ଚାଲୁ ରହିଛି ।