ଭୁବନେଶ୍ଵର : ଯାଆଁଳା ଫାଣ୍ଡି ସମ୍ମୁଖରେ ମର୍ମନ୍ତୁଦ ଦୁର୍ଘଟଣା। ଡିଭାଇଡର୍ ଡେଇଁ ବିପରୀତ ରାସ୍ତାରେ ଯାଉଥିବା ଟାଟା ଏସିକୁ ପିଟିଲା କାର୍। ଏହି ଦୁର୍ଘଟଣାରେ ୨ ଜଣଙ୍କ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ହୋଇଛନ୍ତି। ଘଟଣାସ୍ଥଳରେ ଇନ୍ଫୋଭାଲି ଥାନା ପୋଲିସ ପହଞ୍ଚି ମୃତାହତଙ୍କୁ ଉଦ୍ଧାର କରିଛି।
ସୂଚନାନୁଯାୟୀ, ଯାଆଁଳା ଫାଣ୍ଡି ସମ୍ମୁଖରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଖୋର୍ଦ୍ଧା ପଟୁ ଗୋଟିଏ କାର୍ ଭୁବନେଶ୍ୱର ଯାଉଥିବା ବେଳେ ହଠାତ୍ ଡିଭାଇଡର୍ ଡେଇଁ ବିପରୀତ ରାସ୍ତାରେ ଯାଉଥିବା ଟାଟା ଏସିକୁ ଧକ୍କା ଦେଇଛି। ଦୁର୍ଘଟଣା ଏତେ ଭୟଙ୍କର ଥିଲା ଯେ ଗାଡ଼ି ମଧ୍ୟରୁ ଚାଳକ ଛିଟିକି ପଡ଼ିଛନ୍ତି। ଘଟଣା ସ୍ଥଳରେ ଦୁଇ ଜଣଙ୍କ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ହୋଇଛନ୍ତି। ଘଟଣାସ୍ଥଳରେ ଇନ୍ଫୋଭାଲି ଥାନା ପୋଲିସ ପହଞ୍ଚି ମୃତାହତଙ୍କୁ ଉଦ୍ଧାର କରି ଗାଡି ଜବତ କରିଛି। ଦୁର୍ଘଟଣାର କାରଣ ଅସ୍ପଷ୍ଟ ରହିଛି।