କୋରେଇ: ପାଣିକୋଇଲି ଥାନା ଅନ୍ତର୍ଗତ ୨୦ ନମ୍ବର ଜାତୀୟ ରାଜପଥର ପାଣିକୋଇଲି ଯାଜପୁରରୋଡ ରାସ୍ତାର ଟାଟା ମୋଟର ନିକଟରେ ବୁଧବାର ରାତ୍ରୀ ଟ୍ରକ ସହ ବାଇକ ଧକ୍କା ହେବା ଫଳରେ ଦୁଇ ଜଣ ଗୁରୁତର ଆହତ ହୋଇଛନ୍ତି । ଘଟଣାସ୍ଥଳେ ପାଣିକୋଇଲି ପୁଲିସ ପହଂଚି ଟ୍ରକ ଓ ବାଇକକୁ ଜବତ କରିବା ସହ ଆହତ ଦ୍ୱୟଙ୍କୁ ପୁଲିସ ଗାଡିରେ ନେଇ ଯାଜପୁରରୋଡ କ୍ଷେତ୍ରୀୟ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରିଥିଲା । ପ୍ରକାଶଯେ ଯାଜପୁରରୋଡରୁ ପାଣିକୋଇଲି ରାସ୍ତାରେ ଟାଟା ମୋଟର ସମ୍ମୁଖରେ ଏକ ବାଇକ ( ଓଡି ୩୪ଏ ୨୦୯୫ ) ଯୋଗେ ପାଣିକୋଇଲି ଅସୁଥିବା ବେଳେ ପଛରୁ ଏକ ଟ୍ରକ(ଓଡି୦୫ଏସ ୨୬୪୫) ଧକ୍କା ଦେଇଥିଲା । ଫଳରେ ବାଇକ ଆରେହୀ ଓ ସହଯାତ୍ରୀ ଆହତ ହୋଇଥିଲେ । ଆହତ ଦ୍ୱୟ ପାଣିକୋଇଲି ଥାନା ଗୋଳେଇପୁର ପଂଚାୟତର ଶଗଡି ଗ୍ରାମର ଅଜୟ ଦାସ(୨୮) ଓ ନାହାନ୍ଦା ଗ୍ରାମର ଶୁକଦେବ ମଲ୍ଲିକଙ୍କ ପୁଅ ଟୁଟୁ ବୋଲି ଜଣାପଡିଛି ।