ବାଲିଗୁଡ଼ା: କନ୍ଧମାଳ ଜିଲ୍ଲା ତୁମୁଡ଼ିବନ୍ଧ ପୋଲିସ୍କୁ ବଡ଼ ସଫଳତା । ୯ଜଣିଆ ଡକାୟତି ଗ୍ୟାଙ୍ଗ୍କୁ ଗିରଫ କରିବାରେ ସକ୍ଷମ ହୋଇଛି ତୁମୁଡ଼ିବନ୍ଧ ପୋଲିସ୍ । ଦୀର୍ଘଦିନ ଧରି ତୁମୁଡ଼ିବନ୍ଧ ଥାନା ଅଂଚଳରେ ଚୋରି ଡକାୟତି ଚଳାଇ ଆସୁଥିଲେ ଏହି ଗ୍ୟାଙ୍ଗ୍ । ସେମାନଙ୍କ ନିକଟରୁ ୧୩ଟି ମୋବାଇଲ୍, ଦୁଇଟି ଛୁରୀ, ଗୋଟିଏ ଖେଳଣା ବନ୍ଧୁକ, ଦୁଇଟି ସିଆରଏଫ୍ ଡ୍ରେସ୍, ଗୋଟିଏ ମୋଟରସାଇକେଲ ସହ ୧୨ହଜାର ଟଙ୍କା ଜବତ କରିଛି ପୋଲିସ୍ ।
ପୂର୍ବ ସୂଚନା ଅନୁଯାୟୀ ତୁମୁଡ଼ିବନ୍ଧ ପୋଲିସ୍ ଘଟଣାର ତଦନ୍ତ ଜାରି ରଖିବା ସହ ସନ୍ଦିଗ୍ଧଙ୍କ ଉପରେ ନଜର ରଖିଆସୁଥିଲେ । ଏହାପରେ ଥାନା ଅଧିକାରୀ ଅଲେଖ ଗରଡ଼ିଆ ବିଶ୍ୱସ୍ତ ସୂତ୍ରରୁ ଖବର ପାଇ ନିଜ ଟିମ୍ ସହ ଚଢ଼ାଉ କରିଥିଲେ ଏବଂ ତୁମୁଡ଼ିବନ୍ଧ ଥାନା ଅଂଚଳରୁ ଗ୍ୟାଙ୍ଗର ୯ଜଣ ସଦସ୍ୟଙ୍କୁ ଗିରଫ କରିବାରେ ସକ୍ଷମ ହୋଇଛନ୍ତି । ଏଥିସହିତ ଏହି ଗ୍ୟାଙ୍ଗ୍ରେ ଆଉ କିଏ ସମ୍ପୃକ୍ତ ଅଛି ଏବଂ କ’ଣ କ’ଣ ଘଟଣା ଘଟାଇଛନ୍ତି ବା ଆଗକୁ କ’ଣ ଯୋଜନା ରହିଥିଲା ସେନେଇ ଘଟଣାର ଅଧିକ ତଦନ୍ତ ଚଳାଇଥିବା ପୋଲିସ୍ ପକ୍ଷରୁ ସୂଚନା ମିଳିଛି ।