ସମ୍ବଲପୁର : ସ୍ଥାନୀୟ ବୁର୍ଲା ସ୍ଥିତ ବଡ଼ ମେଡିକାଲ ଭିମସାରରେ ବହୁ ପ୍ରତିକ୍ଷିତ ପିଏସଆର ଅକ୍ସିଜେନ ପ୍ଲାଣ୍ଟର ଉଦଘାଟନ ମୁଖ୍ୟ ଅତିଥି ଭାବରେ ଆଜି ସମ୍ବଲପୁର ସାଂସଦ ନୀତେଶ କୁମାର ଗଙ୍ଗଦେବ କରିଛନ୍ତି । ଏହାଦ୍ୱାରା ସ୍ୱଳ୍ପ ଖର୍ଚ୍ଚରେ ବାୟୁମଣ୍ଡଳରୁ ଅକ୍ସିଜେନ ଟଣା ହୋଇ ସିଲିଣ୍ଡରରେ ଭର୍ତ୍ତି ହୋଇପାରିବ, ଯାହାକି ଆବଶ୍ୟକ ସ୍ଥଳେ ରୋଗୀଙ୍କ ପାଇଁ ବ୍ୟବହୃତ ହୋଇପାରିବ । ଆଜିକାର ଏହି ଉଦଘାଟନୀ ଉତ୍ସବରେ ଅତିଥି ଭାବରେ ରେଙ୍ଗାଲି ବିଧାୟକ ନାଉରୀ ନାଏକ, ସମ୍ବଲପୁର ଜିଲ୍ଲାପାଳ ଶୁଭମ ସକସେନା, ପୁଲିସ ଅଧିକ୍ଷକ ବାତୁଲା ଗଙ୍ଗାଧର ଓ ଭିମସାର ଅଧ୍ୟକ୍ଷ ପ୍ରୋ. ଡ଼ା ଲଲିତ ମେହେର ଆଦି ସାମିଲ ରହିଥିଲେ ।