ଦଶପଲ୍ଲା : ନୟାଗଡ଼ ଅବକାରୀ ବିଭାଗ ଦ୍ୱାରା ୭୨ ଗ୍ରାମ ବ୍ରାଉନସୁଗାର ସହ ସ୍କେ।।ର୍ପିଓ ଗାଡି ଜବତ ହେବା ସହ ୫ ଅଭିଯୁକ୍ତ ଗିରଫ ହୋଇଛନ୍ତି । ଏହାସହ ଅଭିଯୁକ୍ତ ମାନଙ୍କ ଠାରୁ ୨୦ ହଜାର ଟଙ୍କା ଓ ୮ଟି ମୋବାଇଲକୁ ମଧ୍ୟ ଜବତ କରିଛି ଅବକାରୀ ବିଭାଗ । ଗିରଫ ମାନେ ହେଲେ ଡ୍ରାଇଭର ଇକବାଲ ଖାଁ, ଉତ୍ତମ ରାଇ ଦାସ, ଏସକେ ସାହା ଆଲମ, ଏସକେ ଅବଦୁଲ ରହିମ ଓ ପ୍ରଶନ୍ନଜିତ ଦାସ । ସମସ୍ତ ଅଭିଯୁକ୍ତ ପଶ୍ଚିମବଙ୍ଗର ହୋଇଥିବା ସୂଚନା ମିଳିଛି । ପୂର୍ବ ସୂଚନା ମୁତାବକ ଅବକାରୀ ବିଭାଗର ଏକ ଟିମ ସୁନାଖଳା ନିକଟରେ ସ୍କୋର୍ପିଓ ଗାଡିଟିକୁ ଚେକିଂବେଳେ ଗାଡିରୁ ଏହି ବ୍ରାଉନସୁଗାର, ଟଙ୍କା ଓ ମୋବାଇଲ ମିଳିଥିବା ବେଳେ ଗାଡିରେ ଥିବା ସମସ୍ତ ୫ ଜଣଙ୍କୁ ଗିରଫ କରାଯିବା ସହ ସମସ୍ତଙ୍କୁ ଆଜି କୋର୍ଟଚାଲାଣ କରାଯିବ ବୋଲି କହିଛନ୍ତି ଅବକାରୀ ଅଧିକ୍ଷକ ।
