ଫୁଲବାଣୀ: ରାଜ୍ୟର ଏକ ପ୍ରମୁଖ ସଂଗଠନ ୟୁଥ୍ ଫର୍ ଏକ୍ସନର ନୂତନ ସମ୍ପାଦକ ଭାବେ ଦାୟିତ୍ୱ ଗ୍ରହଣ କଲେ କନ୍ଧମାଳ ଜିଲ୍ଲାର ଫୁଲବାଣୀ ସହରର ଜଣାଶୁଣା ସାମଜସେବୀ ଅଂଶୁମାନ ପ୍ରିୟଦର୍ଶନ । ପୂର୍ବରୁ ସେ କନ୍ଧମାଳ ଜିଲ୍ଲାର ୟୁଥ୍ ଫର୍ ଏକ୍ସନର ଜିଲ୍ଲା ସଭାପତି ଭାବେ ଦାୟିତ୍ୱ ତୁଲାଇଥିଲେ । ତାଙ୍କ ସଂଗଠନର ନେତୃତ୍ୱ ତଥା କାର୍ଯ୍ୟକୁ ଆଖି ଆଗରେ ରଖି ସଂଗଠନର ରାଜ୍ୟ ସଭାପତି ଦେବାଶିଷ ନାୟକ, ରାଜ୍ୟ କାର୍ଯ୍ୟକାରିଣୀ ସଭାପତି ସୁଜିତ୍ ସିଂହ ଅଂଶୁମାନଙ୍କୁ ରାଜ୍ୟ ସମ୍ପାଦକ ଭାବେ ଏକ ଗୁରୁ ଦାୟିତ୍ୱ ପ୍ରଦାନ କରିଛନ୍ତି । ଏଥି ପାଇଁ ସେ ସଂଗଠନର ମୁଖିଆ ତଥା ସମସ୍ତ କର୍ମକର୍ତ୍ତା ମାନଙ୍କୁ ଧନ୍ୟବାଦ୍ ଦେବ ସହ ସେ ତାଙ୍କ ଦାୟିତ୍ୱକୁ ନିଜ ଦକ୍ଷତା ବଳରେ ସୁଚାରୁ ରୂପେ ତୁଲାଇବେ ବୋଲି ପ୍ରତିଶ୍ରୁତି ଦେଇଛନ୍ତି ।
ଅଂଶୁମାନଙ୍କ ଏହି ସଫଳତା ପାଇଁ ବୁଦ୍ଧିଜୀବୀଙ୍କ ମହଲରୁ ଶୁଭେଚ୍ଛାର ସୁଅ ଛୁଟିବା ସହ ଆଗାମୀ ଦିନରେ କିଭଳି ଅନ୍ୟ ସଫଳତା ପାଇ ପାରିବେ ସେଥି ପାଇଁ ଆଶୀର୍ବାଦ ପ୍ରଦାନ କରିଛନ୍ତି ।
