ବୌଦ୍ଧ/ହରଭଙ୍ଗା – ୧୨ ଆଦିମ ଅଧିବାସୀ ଏକତା ମଞ୍ଚ ତରଫରୁ ମୋ ଚାଟଶାଳୀ ହରଭଙ୍ଗାବ୍ଲକ ଧଳପୁର ପଂଚାୟତର ସମରକଟା କଇଁଫୁଲ ଆଶ୍ରମ ଠାରେ ଶୁଭାରମ୍ଭ ହୋଇଯାଇଛି। ଏଥିରେ ଓଡ଼ିଶା ଶ୍ରମଜୀବୀ ମଞ୍ଚ ସଭାପତି ଦାଶରଥୀ ନାଏକ ଆନୁଷ୍ଠାନିକ ଭାବେ ଉଦଘାଟନ କରିଥିଲେ । ଏଠାରେ ସମର କଟା, ବଦଳାସାହି ଗ୍ରାମର ଗରିବ ଶ୍ରେଣୀର ଛାତ୍ର ଛାତ୍ରୀ ମାନଙ୍କ ଗୁଣାତ୍ମକ ଶିକ୍ଷା ବ୍ୟବସ୍ଥା ହୋଇ ପାରିବ ବୋଲି ସଭାପତି ଅଭିଭାଷଣରେ କହିଥିଲେ । ଏଥିରେ ଅବସର ପ୍ରାପ୍ତ ଶିକ୍ଷକ ଯଜ୍ଞଶ୍ୱର ମହାକୁଡ଼ଙ୍କୁ ସଭାପତି ସମ୍ବର୍ଦ୍ଧିତ କରିଥିଲେ । ସ୍ୱେଚ୍ଛାସେବୀ ଭାବେ ପିଲା ମାନଙ୍କ ଗୁଣାତ୍ମକ ଶିକ୍ଷା ବୃଦ୍ଧି କରାଇବାପାଇଁ ସଂକଳ୍ପ ନେଲେ । ପ୍ରତି ଦିନ 2 ଘଣ୍ଟା ଶିକ୍ଷା ଦାନ କରିବା ପାଇଁ ନିଷ୍ପତ୍ତି ନିଆଯାଇଛି ।ଏଠାରେ ଗ୍ରାମର ନବୀନ ମହାକୁଡ଼, ସୁରେଇ ଦନ୍ତା, ମନୁ ମହାକୁଡ଼, ଗୁରୁଦେବ ନାୟକ ଉପସ୍ଥିତ ସହ ସଂଗଠନ ବ୍ଲକ ସଂଯୋଜକ ଅଶୋକ ନାୟକ ଏବଂ କୁଶ ମହାକୁଡ଼ ଉପସ୍ଥିତ ଥିଲେ ।
