ବୌଦ୍ଧ,୧୪/୭ – ଗୋଟିଏ ସଡକ ଦୁର୍ଘଟଣାରୁ ଆଜି ଅଳ୍ପକେ ବର୍ତ୍ତି ଯାଇଛନ୍ତି ବୌଦ୍ଧ ଜିଲ୍ଲାପାଳଙ୍କ କାର୍ଯ୍ୟାଳୟର ଡେପୁଟି କଲେକ୍ଟର ଶରତ କୁମାର ବାଗ୍ । ମିଳିଥିବା ସୂଚନା ଅନୁଯାୟୀ ଆଜି ଅପରାହ୍ନ ଘ.୨. ୩୦ ମିନିଟ ସମୟରେ ବୀରମହାରାଜପୁର – ବିଶିପାଲି – ବୌଦ୍ଧ ରାସ୍ତାରେ ମହିନ୍ଦ୍ରାଟି.ଯୂ.ଭି. ୩୦୦ ଗାଡିରେ ଆସୁଥିବା ବେଳେ ଗାଡିଟି ପିତାମହୁଲ ପୋଲ ପାଖ ବୁଲାଣିରେ ଭାରସାମ୍ୟ ହରାଇ ଓଲଟି ପଡିଥିଲା । ଗାଡିରେ ଜଣେ ମହିଳା ଓ ଜଣେ ପୁରୁଷ ମଧ୍ୟ ଥିଲେ । କାହାର କିଛି କ୍ଷୟକ୍ଷତି ହୋଇନଥିବା ଜଣାପଡିଛି । ଶ୍ରୀ ବାଗ୍ ହରଭଙ୍ଗା ବ୍ଲକ୍ ବିଡିଓ ଭାବରେ ମଧ୍ୟ କିଛି ଦିନ କାର୍ଯ୍ୟ କରିଥିଲେ ।
