ଭୁବନେଶ୍ୱର: ଟଙ୍କା ଆୟ ପାଇଁ ଏବେ ନୂଆ ନୂଆ ତରିକା ଆପଣାଉଛନ୍ତି ଲୋକେ । ତେବେ ଫେସବୁକରେ ବନ୍ଧୁତା ସ୍ଥାପନ କରି ପରେ ବ୍ଲାକମେଲିଂ କରି ଟଙ୍କା ଆୟ କରିବା ଏବେ ଟ୍ରେଣ୍ଡ ପାଲଟିଯାଇଛି । ଅଧିକାଂଶ ମହିଳା ବା ଯୁବତୀ ଏପରି କରୁଥିବାବେଳେ ଯୁବବର୍ଗ ସେମାନଙ୍କ ଜାଲରେ ସହଜରେ ପଡ଼ିଯାଉଛନ୍ତି । ଏପରି ଜାଲ ବିଛାଉଥିବା ଜଣେ ଆଞ୍ଜେଲପ୍ରିୟା ବା ଜଣେ ଯୁବତୀଙ୍କୁ ନିକଟରେ ଭୁବନେଶ୍ୱରରୁ ଗିରଫ କରାଯାଇଥିବାବେଳେ ପୁଣି ଆଉ ଜଣଙ୍କୁ ଗିରଫ କରାଯାଇଛି ।
ଫେସବୁକରେ ପ୍ରେମ ଜାଲରେ ଫସାଇ ଟଙ୍କା ଆଦାୟ ନେଇ ପୁଲିସ ଜଣେ ଯୁବତୀଙ୍କୁ ଗିରଫ କରିଛି । ଭୁବନେଶ୍ୱର ସହିଦନଗର ପୁଲିସ ଆଉ ଜଣେ ଯୁବତୀଙ୍କୁ ଗିରଫ କରିଛି । ଫେସବୁକରେ ଛଦ୍ମ ଫଟୋ ଲଗାଇ ସମ୍ପୃକ୍ତ ଆଞ୍ଜେଲପ୍ରିୟା ଯୁବକମାନଙ୍କୁ ପ୍ରେମ ଜାଲରେ ଫସାଉଥିଲେ । ଗିରଫ ବହୁରୂପୀ ଯୁବତୀଙ୍କ ଘର କୋଲକାତାରେ ହୋଇଥିବାବେଳେ ତାଙ୍କ ନାମ ପୀହୁ ବୋଲି ପୁଲିସ ପକ୍ଷରୁ ସୂଚନା ମିଳିଛି ।