ଜାତୀୟସ୍ତରରେ ଚମକିଲେ ପୁଣି ଜଣେ ଓଡିଆ। ଓଡିଆ ଝିଅ ଜ୍ୟୋତିର୍ମୟୀ ନାୟକ ରବିବାର ଇଣ୍ଡିଆନ୍ ଆଇଡଲ୍ ୧୬ର ଟାଇଟଲ୍ ଜିତିଛନ୍ତି। ଟାଇଟଲ ଜିତିବା ସହ ବିଜୟୀ ଟ୍ରଫି ସହ ତାଙ୍କୁ ନଗଦ 20ଲକ୍ଷ ଟଙ୍କାର ପୁରସ୍କାର ରାଶି ମଧ୍ୟ ମିଳିଛି । ଟାଇଟର ବିଜୟୀ ହେବା ପରେ ତାଙ୍କୁ ଚାରିଆଡୁ ପ୍ରଶଂସାର ସୂଅ ଛୁଟିଛି ।
ସିଙ୍ଗିଙ୍ଗ୍ ରିଆଲିଟି ଶୋ’ର 16ତମ ସିଜିନର ଶ୍ରେଷ୍ଠ ତିନି ଫାଇନାଲିଷ୍ଟ ଥିଲେ ମନରାଜ ବୀର ସିଂହ, ଜ୍ୟୋତିର୍ମୟୀ ନାୟକ ଏବଂ ତନିଷ୍କ ଶୁକ୍ଲା । ଶେଷରେ, ଜ୍ୟୋତିର୍ମୟୀ ନାୟକ ବିଜେତା ହୋଇଥିଲେ। ତନିଷ୍କ ପ୍ରଥମ ରନର୍ସ-ଅପ୍ ହୋଇଥିବା ବେଳେ ମନରାଜ ଦ୍ୱିତୀୟ ରନର୍ସ-ଅପ୍ ଥିଲେ।
ଇଣ୍ଡିଆନ୍ ଆଇଡଲ୍ 16 ଫାଇନାଲରେ ବାଦଶାହା, କୁମାର ସାନୁ ଏବଂ ଶ୍ରେୟା ଘୋଷାଲ୍ ବିଚାରକ ଭାବରେ ଉପସ୍ଥିତ ଥିଲେ, ଯେତେବେଳେ ବିଶାଲ୍ ଦଦଲାନି ଭିଡିଓ କଲ୍ ମାଧ୍ୟମରେ ଯୋଗ ଦେଇଥିଲେ। ଅଭିନେତ୍ରୀ ଶେହନାଜ୍ ଗିଲ୍ ମଧ୍ୟ ଏକ ସ୍ୱତନ୍ତ୍ର ଅତିଥି ଭାବରେ ଉପସ୍ଥିତ ଥିଲେ।
ତନିଷ୍କ ଶୁକ୍ଲା ଏବଂ ମନରାଜ ବୀର ସିଂହ ଏହି ସିଜିନରେ ରନର୍ସ-ଅପ୍ ଥିଲେ। ଉଭୟଙ୍କୁ ₹5 ଲକ୍ଷ ଟଙ୍କାର ନଗଦ ପୁରସ୍କାର ମିଳିଥିଲା। ସ୍ପଟଲାଇଟ୍ ରାଉଣ୍ଡ ପରେ ସୁଶ୍ରୀ ବୋସୁ ଫାଇନାଲ୍ ରେସ୍ ରୁ ବାଦ ପଡ଼ିଥିଲେ। କମ୍ ଭୋଟ୍ ସଂଖ୍ୟା ଯୋଗୁଁ ଅଂଶିକା ଚୋଙ୍କର୍ ଏବଂ ସୁହେଲ୍ ସୁଫି ମଧ୍ୟ ବାଦ ପଡ଼ିଥିଲେ। ସେମାନଙ୍କୁ ପ୍ରତ୍ୟେକଙ୍କୁ ₹3 ଲକ୍ଷ ଟଙ୍କାର ନଗଦ ପୁରସ୍କାର ମିଳିଥିଲା।