ମୁମ୍ବାଇ: ମହାରାଷ୍ଟ୍ରର କେତନ ଅଗ୍ରୱାଲ ହତ୍ୟା ମାମଲାରେ ମୁଖ୍ୟ ଅଭିଯୁକ୍ତ ଥିବା ସିୟା ଗୋଏଲ ପୁଣିଥରେ ଚର୍ଚ୍ଚାକୁ ଆସିଛନ୍ତି । ସେ ପୋଲିସ ହେପାଜତରେ ତଦନ୍ତ ସମୟରେ ଗଣମାଧ୍ୟମ କର୍ମଚାରୀଙ୍କ ପ୍ରତି ଏକ ଅଶ୍ଳୀଳ ଇଙ୍ଗିତ (ମଧ୍ୟମ ଆଙ୍ଗୁଠି) ଦେଖାଇଥିବା ଅଭିଯୋଗ ହୋଇଛି। ଏହାର ଏକ ଭିଡିଓ ସୋସିଆଲ ମିଡିଆରେ ଭାରରାଲ ହେବା ପରେ ସିଆଙ୍କୁ ନେଇ ଭିନ୍ନ ଭିନ୍ନ ଚର୍ଚ୍ଚା ହେଉଛି । ଏହି ଅଶୋଭନୀୟ ଘଟଣା ସେତେବେଳେ ଘଟିଥିଲା ଯେତେବେଳେ ପୁଣେ ଗ୍ରାମୀଣ ପୋଲିସ ଦଳ ପ୍ରମାଣ ସଂଗ୍ରହ ଏବଂ ତଦନ୍ତ କରିବା ପାଇଁ ଅଭିଯୁକ୍ତ ସିୟା ଗୋଏଲଙ୍କୁ ପୁଣେର ଲୁଲ୍ଲା ନଗରସ୍ଥିତ ତାଙ୍କ ଘରକୁ ନେଉଥିଲେ।
ଜୁଲାଇ 2 ରେ, ପୁଣେ ଗ୍ରାମୀଣ ପୋଲିସ ଗୋଏଲଙ୍କୁ ତଦନ୍ତ ପ୍ରକ୍ରିୟା ପାଇଁ ପୁଣେର ଲୁଲ୍ଲା ନଗରରେ ଥିବା ତାଙ୍କ ଘରକୁ ନେଇଥିଲେ। ଯେତେବେଳେ ସେ ପୋଲିସ ସୁରକ୍ଷାରେ ଘରୁ ବାହାରକୁ ଯାଉଥିଲେ, ସେ ଫଟୋ ଉଠାଇବା ପାଇଁ ବାହାରେ ଏକାଠି ହୋଇଥିବା ଗଣମାଧ୍ୟମ କର୍ମଚାରୀମାନଙ୍କୁ ‘ମଧ୍ୟମ ଆଙ୍ଗୁଠି’ ଦେଖାଇଥିବା ଅଭିଯୋଗ ହୋଇଛି। ସେହି ସମୟରେ ଗୋଏଲ ତାଙ୍କ ମୁହଁକୁ ଏକ ପ୍ରିଣ୍ଟେଡ୍ ସ୍କାର୍ଫରେ ଘୋଡ଼ାଇ ଦେଇଥିଲେ ଏବଂ ଏକ କଳା ଟି-ସାର୍ଟ ପିନ୍ଧିଥିଲେ। ଏହି ଛୋଟ ଘଟଣା ଘର ବାହାରେ ଲାଗିଥିବା କ୍ୟାମେରା ଦ୍ୱାରା ରେକର୍ଡ ହୋଇଥିଲା ଏବଂ ଶୀଘ୍ର ସୋସିଆଲ ମିଡିଆରେ ଆଲୋଚନାର ବିଷୟ ପାଲଟିଥିଲା।