ଭୁବନେଶ୍ବର- ଗୋପାଳପୁର ନିକଟରୁ ସ୍ଥଳ ଭାଗ ଅତିକ୍ରମ କଲା ବାତ୍ୟା ‘ଅକୱାନ’। ଘଣ୍ଟା ପ୍ରତି ୭୦ ରୁ ୮୦ କିମି ବେଗରେ ପବନ ହେଉଛି। ଝଟକା ପବନର ବେଗ ଘଣ୍ଟାପ୍ରତି ୯୦ କିମି ରହିଛି।
ଭୁବନେଶ୍ୱର ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ନିର୍ଦ୍ଦେଶିକା ମନୋରମା ମହାନ୍ତିଙ୍କ ସୂଚନା ଅନୁଯାୟୀ ବାତ୍ୟାର କେନ୍ଦ୍ରସ୍ଥଳ ଉପକୂଳ ଅତିକ୍ରମ କରିସାରିଲାଣି।
ଏହି ବାତ୍ୟା ଆଜି ସନ୍ଧ୍ୟା ସୁଦ୍ଧା ଅବପାତର ରୂପ ନେବାର ସମ୍ଭାବନା ରହିଛି। ତା’ପରେ ମଧ୍ୟରାତ୍ରରେ ଏହା ସ୍ପଷ୍ଟ ଚିହ୍ନିତ ଲଘୁଚାପରେ ପରିଣତ ହେବାର ସମ୍ଭାବନା ରହିଛି।
ବାତ୍ୟା ‘ଅକଭାନ’ ପ୍ରଭାବରେ ଗତ ୨୪ ଘଣ୍ଟାରେ ଗଞ୍ଜାମର ପାତ୍ରପୁରରେ ସର୍ବାଧିକ ୨୦୯ କିମି ବର୍ଷା ହୋଇଥିବା ବେଳେ ହିଞ୍ଜିଳିକାଟୁରେ ୨୦୬, ଚିକିଟିରେ ୧୯୯, ଗୋପାଳପୁରରେ ୧୮୯, ପୁରୁଷୋତ୍ତମପୁରରେ ୧୭୫, କୁକୁଡ଼ାଖଣ୍ଡିରେ ୧୬୩, ଛତ୍ରପୁର ୧୩୯, ଭଞ୍ଜନଗରରେ ୧୩୩ ଓ ଦିଗପହଣ୍ଡିରେ ୧୩୨ ତିମି ରେକର୍ଡ କରାଯାଇଛି।