ବୌଦ୍ଧ,୧୪/୮ – ୭୪ ତମ ସ୍ୱାଧୀନତା ଦିବସ ଅବସରରେ ବିଶିଷ୍ଟ ସେବା ପାଇଁ ସିଆଇଏସଏଫ ଡେପୁଟି କମାଣ୍ଡାଣ୍ଟ ସୁନୀଲ କୁମାର ମିଶ୍ରଙ୍କୁ ରାଷ୍ଟ୍ରପତି ପୋଲିସ ପଦକ ସହିତ ସମ୍ମାନିତ କରାଯିବ । ଶ୍ରୀ ମିଶ୍ର ଜଣେ ମ୍ୟାନେଜମେଣ୍ଟ ପୋଷ୍ଟ ଗ୍ରାଜୁଏଟ୍, କେନ୍ଦ୍ରୀୟ ଶିଳ୍ପ ସୁରକ୍ଷା ବଳର ୧୯୮୪-ବ୍ୟାଚ୍ ସବ୍ ଇନ୍ସପେକ୍ଟର, ବର୍ତ୍ତମାନ ମୁମ୍ବାଇର ମୁମ୍ବାଇ ପୋର୍ଟ ଟ୍ରଷ୍ଟରେ କେନ୍ଦ୍ରୀୟ ବଳର ଡେପୁଟି କମାଣ୍ଡାଣ୍ଟ (ପ୍ରଶାସନ) ଭାବରେ କାର୍ଯ୍ୟ କରୁଛନ୍ତି. ଗଣତନ୍ତ୍ର ଦିବସ ୨୦୧୩ ରେ ମେରିଟ ସେବା ପାଇଁ ତାଙ୍କୁ ଏହା ପୂର୍ବରୁ ରାଷ୍ଟ୍ରପତିଙ୍କ ପୋଲିସ୍ ପଦକ ପ୍ରଦାନ କରାଯାଇଥିଲା । ବୌଦ୍ଧସହର ଚନ୍ଦ୍ରଚୂଡ ରୋଡ ବଗିଚା ସାହିର ନିବାସୀ ଶ୍ରୀ ମିଶ୍ର ଏତେ ବଡ ସମ୍ମାନର ଅଧିକାରୀ ହେବାକୁ ଯାଉଥିବା ଯୋଗୁଁ ବୌଦ୍ଧ ଅଂଚଳରେ ଖୁସିର ଲହରୀ ଖେଳି ଯାଇଛି । ଏ ଅବସରରେ ତାଙ୍କର ବନ୍ଧୁବାନ୍ଧବଙ୍କ ସମେତ ସହପାଠୀ ଓ ସାଙ୍ଗସାଥୀମାନେ ଅଭିନନ୍ଦନ ଜଣାଉଛନ୍ତି । ପିତା ସ୍ୱର୍ଗତ ସାରଙ୍ଗଧର ମିଶ୍ର ଓ ମାତା ଶ୍ରୀମତୀ ହରିପ୍ରିୟା ମିଶ୍ରଙ୍କ କୋଳ ମଣ୍ଡନ କରି ତୃତୀୟ ପୁତ୍ର ଭାବରେ ଜନ୍ମ ଗ୍ରହଣ କରିଥିବା ଶ୍ରୀ ମିଶ୍ର ବୌଦ୍ଧ ସହର ଚନ୍ଦ୍ରଚୂଡ ପ୍ରାଥମିକ ବିଦ୍ୟାଳୟରେ ପ୍ରାଥମିକ ଶିକ୍ଷା ଓ ଜେ. ଡି. ହାଇସ୍କୁଲରେ ମାଧ୍ୟମିକ ଶିକ୍ଷା ଗ୍ରହଣ କରିଥିଲେ । ତାଙ୍କର ପିତା ଜଣେ ସୁନାମଧନ୍ୟ ହିନ୍ଦୀ ଶିକ୍ଷକ ଥିଲେ ।
ଶ୍ରୀ ମିଶ୍ର ସିବିଆଇ ମୁଖ୍ୟାଳୟ ମୁମ୍ବାଇରେ ଡେପୁଟେସନରେ ଥିବାବେଳେ ବରିଷ୍ଠ ଗ୍ରୁପ୍ ଏ ଅଧିକାରୀ ମାନ୍ୟତା ପାଇଥିବା ଅଭିଯୁକ୍ତଙ୍କ ସହ ଜଡିତ ଅନେକ ଗୁରୁତ୍ୱପୂର୍ଣ୍ଣ ମାମଲାର ତଦନ୍ତ କରିଥିବାବେଳେ ନକଲି ସିବିଆଇ ଏସପି ସାଜିଥିବା ଅଶ୍ୱିନୀ କୁମାର ଶର୍ମାଙ୍କୁୁ ହରିଆନାର ପାନିପଥରେ ଗିରଫ କରିଥିଲେ । ଫିଲ୍ମ ଅଭିନେତା ତଥା ନିର୍ମାତା ରାକେଶ ରୋଶନଙ୍କ ଠାରୁ ପଚାଶ ଲକ୍ଷ ଟଙ୍କା ଠକେଇରେ ଜଡିତ ହୋଇ ଏହି ମାମଲା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଥିଲା । ସେ ବର୍ତ୍ତମାନ ଗତ ୨ ବର୍ଷ ଧରି ସିଆଇଏସଏଫ, ମୁମ୍ବାଇ ପୋର୍ଟ ଟ୍ରଷ୍ଟରେ କାର୍ଯ୍ୟରତ ହୋଇ କେନ୍ଦ୍ରୀୟ ସଶସ୍ତ୍ର ପୋଲିସ୍ ଫୋର୍ସର ଜଣେ ସରଳ ତଥା ଉତ୍ସର୍ଗୀକୃତ ଅଧିକାରୀ ଭାବରେ ସୁନାମ ଅର୍ଜନ କରିଛନ୍ତି ।.ଅଧିକାରୀମାନେ ଏହା ସ୍ପଷ୍ଟ କରିଛନ୍ତି ଯେ ଏହି ପ୍ରଶଂଶିତ ପଦକ କେବଳ ଗୋଟିଏ କ୍ଷେତ୍ରରେ ଉତ୍କୃଷ୍ଟ କାର୍ଯ୍ୟ ପାଇଁ ପ୍ରଦାନ କରାଯାଏ ନାହିଁ, ଏହା ଦୀର୍ଘ ୨୫ ବର୍ଷର ସାମଗ୍ରିକ ସେବା ରେକର୍ଡକୁ ବିଚାରକୁ ନେଇ ଯୋଗ୍ୟ ପ୍ରାର୍ଥୀଙ୍କୁ ପ୍ରଦାନ କରାଯାଇଥାଏ ।ଯଦିଓ ସିଆଇଏସଏଫ (ମହାରାଷ୍ଟ୍ର) ସର୍ବ ଭାରତୀୟ ସେବା ଅନ୍ତର୍ଭୁକ୍ତ ସୁନୀଲ କୁମାର ମିଶ୍ରଙ୍କ ନାଲକୋ ଦାମନେଯାଡି, ନାଲକୋ ଅନୁଗୋଳ ଏବଂ ଆରଏସପି ରାଉରକେଲାରେ ଏପରି ତିନି ଥର ଓଡିଶାରେ ସେବା କରିବାର ସୁଯୋଗ ପାଇଥିଲେ ଯେଉଁଠାରେ ସେ ସାର୍ବଜନିକ ଉଦ୍ୟମ (ପିଏସୟୁ) ଗୁଡ଼ିକରେ ଅପରାଧ ନିୟନ୍ତ୍ରଣ କରିବାପାଇଁ ବିଶେଷ କାର୍ଯ୍ୟ କରିଛନ୍ତି । ତାଙ୍କ ଦ୍ୱାରା କରାଯାଇଥିବା କେତେକ ଉଲ୍ଲେଖନୀୟ କାର୍ଯ୍ୟରେ ରହିଛି ୧୯୯୯ ରେ ସୁପର ସାଇକ୍ଲୋନ ସମୟର ସେବା. ସେ ଏବଂ ତାଙ୍କ କମ୍ପାନୀର ଏକ ଟିମ୍ ଜିଲ୍ଲା ପୁରୀରେ ନିୟୋଜିତ ହୋଇଥିଲେ. ନିମାପଡା , କାକଟପୁର ଏବଂ ପିପିଲି ଆଦି ସ୍ଥାନ ସୁପର ସାଇକ୍ଲୋନ୍ ଦ୍ୱାରା ଅଧିକ ପ୍ରଭାବିତ ହୋଇଥିଲା । ସେ ୦୩ ଦିନ ପାଇଁ ଏକ କମ୍ୟୁନିଟି ରୋଷେଇ ଘରର ଆୟୋଜନ କରିଥିଲେ ଏବଂ ନିମାପଡା ଠାରେ ନିରାଶ୍ରିତ ମହିଳା ଏବଂ ଶିଶୁଙ୍କ ସମେତ ହଜାର ହଜାର ଲୋକଙ୍କୁ ଖାଇବାକୁ ଦେଇଥିଲେ । ତତ୍କାଳୀନ ଏସପି ପୁରୀ (ବର୍ତ୍ତମାନ ଭିଜିଲାନ୍ସର ନିର୍ଦ୍ଦେଶକ) ଏବଂ ଶ୍ରୀ ଏସ.କେ ପ୍ରିୟଦର୍ଶୀ, ତତ୍କାଳୀନ ଅତିରିକ୍ତ ଏସପି ପୁରୀ (ବର୍ତ୍ତମାନ ଇଊଏ, ଉଓଊ ଓଡିଶା ପୋଲିସ୍)ତାଙ୍କ ନେତୃତ୍ୱ ଦକ୍ଷତା ପାଇଁ ପ୍ରଶ୍ଂସା କରିଥିଲେ. ତାଂକ ନେତୃତ୍ୱରେ ସିଆଇଏସଏଫ ଦ୍ୱାରା ପ୍ରଦର୍ଶିତ ସେବା ସ୍ଥାନୀୟ ଜନସାଧାରଣ ଏବଂ ଗଣମାଧ୍ୟମ ଦ୍ୱାରା ଉଚ୍ଚ ପ୍ରଶଂସିତ ହୋଇଥିଲା ।
ବୌଦ୍ଧରେ ରହୁଥିବା ତାଙ୍କ ୮୦ ବର୍ଷର ମାତା ଶ୍ରୀମତୀ ହରିପ୍ରିୟା ମିଶ୍ର ଏହି ଖବରରେ ଖୁସି ପ୍ରକାଶ କରିଥିଲେ । ତାଙ୍କ ପୁଅ ଭାରତର ଅନେକ ସ୍ଥାନରେ ସିଆଇଏସଏଫ, ଏସପିଜି (ପିଏମ୍ ସିକ୍ୟୁରିଟି) ଏବଂ ସିବିଆଇରେ ନକ୍ସଲ ସଂକ୍ରମିତ ଅଞ୍ଚଳରେ କାର୍ଯ୍ୟ କରିଥିବା କଥା ମନେ ପକାଇଥିଲେ । ପୋଲିସ୍ / ସୁରକ୍ଷା ଡ୍ୟୁଟି କରିବା ବ୍ୟତୀତ ସେ ଅଭାବୀ ଲୋକଙ୍କୁ ପୋଷାକ ବଣ୍ଟନ, ସର୍ବସାଧାରଣ ସ୍ଥାନରେ ସ୍ୱଚ୍ଛତା ଭାରତ ଅଭିଯାନ, ଚାରା ରୋପଣ, ରକ୍ତଦାନ ଶିବିର ଆୟୋଜନ, କର୍କଟ ସଚେତନତା କାର୍ଯ୍ୟକ୍ରମ ଇତ୍ୟାଦି ସାମାଜିକ କାର୍ଯ୍ୟ କରିବାକୁ ଆଗ୍ରହ ପ୍ରକାଶ କରନ୍ତି । ଶ୍ରୀ ମିଶ୍ର ଓଡ଼ିଶାରେ ସାମାଜିକ ସେବା ତଥା ବିକାଶମୂଳକ କାର୍ଯ୍ୟକ୍ରମ କରିବା ପାଇଁ ଅଧିକ ଇଚ୍ଛା ପ୍ରଦର୍ଶନ କରିଥିଲେ କାରଣ ତାଙ୍କ ସେବାନିବୃତ୍ତି ପାଇଁ ଆଉ ଦୁଇ ବର୍ଷ ବାକି ଅଛି ।
