ଡବାଙ୍ଗ ଗାର୍ଲ ସୋନାକ୍ଷୀ ସିହ୍ନା ଆଜି ୩୪ ବର୍ଷ ବୟସରେ ପଦାର୍ପଣ କରିଛନ୍ତି । ସେ ୨ ଜୁନ୍ ୧୯୮୭ ରେ ବିହାରର ପାଟନା ସହରରେ ଜନ୍ମଗ୍ରହଣ କରିଥିଲେ । ସୋନାକ୍ଷୀ ବଲିଉଡ ଅଭିନେତ୍ରୀମାନଙ୍କ ମଧ୍ୟରୁ ଜଣେ ଯିଏ ଅଳ୍ପ ସମୟ ମଧ୍ୟରେ ନିଜର ସ୍ଥିତି ହାସଲ କରିଛନ୍ତି । ସୋନାକ୍ଷୀ ଅଭିନେତା ତଥା ରାଜନେତା ଶତ୍ରୁଘ୍ନ୍ ସିହ୍ନାଙ୍କ ଛୋଟ ସନ୍ତାନ । ଶତ୍ରୁଘ୍ନଙ୍କର ଦୁଇଟି ଯାଆଁଳା ପୁଅ ଲୁବ ଏବଂ କୁଶ ଅଛନ୍ତି । ସୋନାକ୍ଷୀଙ୍କ ମାଙ୍କ ନାମ ପୁଣାମ ସିହ୍ନା ।
ସୋନାକ୍ଷୀ ମୁମ୍ବାଇର ଆର୍ଯ୍ୟ ବିଦ୍ୟା ମନ୍ଦିରରୁ ତାଙ୍କ ପାଠପଢା ଆରମ୍ଭ କରିଥିବାବେଳେ ଶ୍ରୀମତି ନାଥିବାଇ ଦାମୋଦରଦାସ ଠାକର୍ସି ବିଶ୍ୱବିଦ୍ୟାଳୟ ମୁମ୍ବାଇରୁ ଫ୍ୟାଶନ ଡିଜାଇନିଂରେ ପାଠ୍ୟକ୍ରମ କରିଥିଲେ ।
ଦବାଙ୍ଗ ଗାର୍ଲ ଭାବରେ ଜଣାଶୁଣା ସୋନାକ୍ଷୀ ୨୦୧୦ ରେ ସୁପରହିଟ୍ ଫିଲ୍ମ ଦବାଙ୍ଗ ଜରିଆରେ ବଲିଉଡରେ ପ୍ରବେଶ କରିଥିଲେ । ଯେଉଁଥିରେ ତାଙ୍କ ସହ-ଷ୍ଟାର ସଲମାନ ଖାନ ଥିଲେ । ଏହା ପରେ ସେ ‘ରାୱଡି ରାଠୋର’, ‘ସନ୍ ଅଫ ସର୍ଦ୍ଦାର’, ‘ଡାବାଙ୍ଗ-୨’, ‘ଲୁଟେରା’, ‘ବୁଲେଟ୍ ରାଜା’ ଏବଂ ‘ଆର ରାଜକୁମାର’ ଭଳି ସଫଳ ଚଳଚ୍ଚ଼ିତ୍ରରେ କାମ କରିଥିଲେ ।
