ନୂଆଦିଲ୍ଲୀ : ଭାରତର ଦ୍ୱିତୀୟ ସ୍ତରୀୟ ଦଳ ଆଜି ଶ୍ରୀଲଙ୍କା ଅଭିମୁଖେ ଯାତ୍ରା କରିଛି । ଶିଖର ଧାୱନ ଶ୍ରୀଲଙ୍କା ଗସ୍ତରେ ଭାରତ ଅଧିନାୟକ ହେବାକୁ ଯାଉଥିବାବେଳେ ରାହୁଲ ଦ୍ରାବିଡ କୋଚ ଭାବରେ ଭାରତୀୟ ଦଳ ସହ ଶ୍ରୀଲଙ୍କା ଯାଇଛନ୍ତି । ଶ୍ରୀଲଙ୍କା ବିପକ୍ଷ ସିରିଜ୍ ଜୁଲାଇ ୧୩ ରୁ ଆରମ୍ଭ ହେବ । ବିସିସିଆଇ ଶ୍ରୀଲଙ୍କା ଗସ୍ତରେ ଯାଉଥିବା ଭାରତୀୟ ଦଳର ଫଟୋ ସୋସିଆଲ ମିଡିଆରେ ସେୟାର କରିଛି । ଏହା ବ୍ୟତୀତ ଶ୍ରୀଲଙ୍କା ଯାଉଥିବା ଖେଳାଳିମାନେ ସୋସିଆଲ ମିଡିଆରେ ନିଜ ନିଜର ଫଟୋ ସେୟାର କରି ପ୍ରଶଂସକମାନଙ୍କୁ ଏହି ସୂଚନା ଦେଇଛନ୍ତି । ଭାରତର ଦଳ ଶ୍ରୀଲଙ୍କାରେ ପହଞ୍ଚିବା ପରେ ପ୍ରଥମେ କ୍ୱାରେଣ୍ଟାଇନରେ ରହିବ । କ୍ୱାରେଣ୍ଟାଇନ ଶେଷ କରିବା ପରେ ଦଳ ଅଭ୍ୟାସ ଆରମ୍ଭ କରିବ ।
ଭାରତ ଏବଂ ଶ୍ରୀଲଙ୍କା ମଧ୍ୟରେ ପ୍ରଥମେ ଦିନିକିଆ ସିରିଜ୍ ଖେଳାଯିବା । ପରେ ତିନୋଟି ଟି-୨୦ ମ୍ୟାଚ ଖେଳାଯିବ । କଲମ୍ବୋରେ ଦିନିକିଆ ଏବଂ ଟ୨୦ ମ୍ୟାଚ୍ ଅନୁଷ୍ଠିତ ହେବ ।
ଭାରତୀୟ ଦଳ
ଶିଖର ଧାୱନ, ୟୁଜବେନ୍ଦ୍ର ଚହଲ, ଦୀପକ ଚହର, ରାହୁଲ ଚହର, ରିତୁରାଜ ଗାଇକୱାଡ, କେ. ଗୌତମ, ଇଶାନ କିଶନ, କୁଲଦୀପ ଯାଦବ, ଭୁବନେଶ୍ୱର କୁମାର, ଦେବଦତ୍ତ ପାଦିକଲ, ମନୀଷ ପାଣ୍ଡେ, କ୍ରୁନାଲ ପାଣ୍ଡ୍ୟା, ହାର୍ଦ୍ଦିକ ପାଣ୍ଡ୍ୟା, ନୀତୀଶ ରାଣା, ନବଦୀପ ସାଇନି, ଚେତନ ସାକାରିଆ, ସଞ୍ଜୁ ସାମସନ, ପୃଥ୍ୱୀ ସୋ, ବରୁଣ ଚକ୍ରବର୍ତ୍ତୀ ।
