ଟୋକିଓ, : ଭାରତୀୟ ମହିଳା ହକି ଟିମ୍ ଆୟାର୍ଲାଣ୍ଡକୁ ୧-୦ରେ ପରାସ୍ତ କରିଛି । ଏହାସହ ଏବେବି କ୍ୱାର୍ଟର ଫାଇନାଲରେ ପ୍ରବେଶ ଆଶାକୁ ଉଜ୍ଜୀବିତ ରଖିଛି ଦଳ । ଦଳ ତିନୋଟି ମ୍ୟାଚରେ ପରାସ୍ତ ହୋଇଥିଲା । ତେବେ ଚତୁର୍ଥ ମୁକାବିଲାରେ ଦଳ ଶେଷ ମିନିଟରେ ଗୋଲ କରି ବିଜୟୀ ହୋଇଛି ।ଭାରତ ପକ୍ଷରୁ ଶେଷ ମିନିଟରେ ନବନୀତ କୌର ଗୋଲ ସ୍କୋର କରିଥିଲେ । ୫୭ ମିନିଟରେ ସେ ପ୍ରତିପକ୍ଷଙ୍କୁ ଗୋଲ୍ ଦେଇଥିଲେ । ଏହାପୂର୍ବରୁ ଭାରତକୁ ମିଳିଥିବା ୧୪ଟି ପେନାଲ୍ଟି କର୍ଣ୍ଣର ବେକାର ଯାଇଥିଲା ।ଏହାପୂର୍ବରୁ ଭାରତ ତିନୋଟି ମୁକାବିଲାରେ, ବିଶ୍ୱର ଏକ ନମ୍ବର ଦଳ ନେଦରଲାଣ୍ଡରୁ ୫-୧ରେ, ଜର୍ମାନୀଠାରୁ ୨-୦ରେ ଓ ବ୍ରିଟେନଠୁ ୪-୧ରେ ପରାସ୍ତ ହୋଇଥିଲା ।ଭାରତକୁ କ୍ୱାର୍ଟର ଫାଇନାଲରେ ପ୍ରବେଶ ପାଇଁ ହେଲେ ଶନିବାର ଦକ୍ଷିଣ ଆଫ୍ରିକା ବିପକ୍ଷରେ ଭଲ ଗୋଲରେ ମ୍ୟାଚ୍ ଜିତିବାକୁ ହେବ । ଏହାସହ ବ୍ରିଟେନ ଆୟାରଲାଣ୍ଡଠୁ ପରାସ୍ତ ହେଲେ ଭାରତ କ୍ୱାର୍ଟରରେ ପହଁଚିପାରିବ ।
