ଟୋକିଓ : ନିରାଶ କଲେ ଦୂତୀ ଚାନ୍ଦ । ଅଲିମ୍ପିକ୍ସର ୧୦୦ ମିଟିର ହିଟ୍ସରେ ନିରାଶ କଲେ ଓଡ଼ିଆ ଧାବିକା ଦୂତୀ ଚାନ୍ଦ । ୧୧.୫୪ ସେକେଣ୍ଡ ନେଇ ସପ୍ତମ ସ୍ଥାନରେ ରହିଲେ ଦୂତୀ । ପରବର୍ତ୍ତୀ ହିଟ୍ସରେ ଉନ୍ନିତ ହେଲେ ହିଟ୍ସର ଟପ୍ ୩ ଖେଳାଳି । ସପ୍ତମ ସ୍ଥାନରେ ରହି ଦୂତୀ ବାଦ୍ ପଡ଼ିଛନ୍ତି । ପ୍ରଥମ ସ୍ଥାନରେ ରହିଛନ୍ତି, ଜାମାଇକାର ଫ୍ରାସର ପ୍ରାଇସି । ସେ ୧୦.୮୪ ସେକେଣ୍ଡରେ ୧୦୦ ମିଟର ଅତିକ୍ରମ କରିଥିଲେ । ଦ୍ୱିତୀୟରେ ସୁଇଜରଲାଣ୍ଡ ଓ ତୃତୀୟରେ ରହିଥିଲେ ନାଇଜେରିଆର ଖେଳାଳି । ୨୦୧୬ ରିଓ ଅଲିମ୍ପିକ୍ସରେ ଦୂତୀ ଚାନ୍ଦ ୧୧.୬୭ ସେକେଣ୍ଡରେ ୧୦୦ ମିଟର ଅତିକ୍ରମ କରିଥିଲେ । ଦ୍ୱିତୀୟ ଥର ପାଇଁ ଅଲିମ୍ପିକ୍ସ ଟ୍ରାକରେ ଦୌଡିଛନ୍ତି ଦୂତି ଚାନ୍ଦ । : ଆସନ୍ତା ଅଗଷ୍ଟ ୨ ତାରିଖ ଦିନ ଦୂତୀ ୨୦୦ ମିଟର ଇଭେଣ୍ଟରେ ପୁଣିଥରେ ଟ୍ରାକ୍ ଓହ୍ଲାଇବେ ।
