ଟୋକିଓ: ରିଓ ଅଲିମ୍ପିକ୍ସ୍ରେ ସ୍ବର୍ଣ୍ଣପଦକପ୍ରାପ୍ତ ଆର୍ଜେଣ୍ଟିନାକୁ ପରାସ୍ତ କରି ଗୁରୁବାର ଦିନ ଭାରତ ପୁରୁଷ ହକି ପ୍ରତିଯୋଗିତାର କ୍ବାର୍ଟର୍-ଫାଇନାଲ୍ସ୍ରେ ପହଞ୍ଚିଛି। ବରୁଣ କୁମାର, ବିବେକ ପ୍ରସାଦ ଏବଂ ହମରନ୍ପ୍ରୀତ୍ ଦେଇଥିବା ଗୋଲ୍ ଯୋଗୁଁ ଭାରତ ଆର୍ଜେଣ୍ଟିନା ଉପରେ ୩-୧ରେ ଆଧିପତ୍ୟ ବଜାୟ ରଖିବାରେ ସମର୍ଥ ହୋଇଥିଲା। ଖେଳର ଚତୁର୍ଥ ଭାଗ ବେଳେକୁ ଆର୍ଜେଣ୍ଟିନା ଯାଇ ଭାରତର ସମକକ୍ଷ ହେବାରେ ସମର୍ଥ ହୋଇଥିଲା। ଭାରତ କିନ୍ତୁ, ଧୀରସ୍ଥିର ରହି ପ୍ରତିଦ୍ବନ୍ଦ୍ବୀ ଆର୍ଜେଣ୍ଟିନାକୁ ଆଉ ଦୁଇଟି ଗୋଲ୍ ଦେଇଥିଲା।ଏବେ ଏହାକୁ ମିଶାଇ ତିନୋଟି ମ୍ୟାଚ୍ରେ ଭାରତ ୯ ପଏଣ୍ଟ୍ ହାସଲ କରିପାରିଛି। ସମ୍ପ୍ରତି ଆର୍ଜେଣ୍ଟିନା ତୃତୀୟ ସ୍ଥାନରେ ଥିବା ସ୍ପେନ୍ ଠାରୁ ୫ ପଏଣ୍ଟ୍ରେ ଅଗ୍ରଣୀ ରହିଛି। ଏହି ଗ୍ରୁପ୍ରେ ଆଉ ମାତ୍ର ଗୋଟିଏ ମ୍ୟାଚ୍ ବାକି ରହିଛି।
