କଟକ : କଟକର ରେଭେନ୍ସା କ୍ରିକେଟ ଗ୍ରାଉଣ୍ଡରେ ଚାଲିଥିବା କଳାହାଣ୍ଡି କପ୍ ତଥା ଓସିଏର ଆନ୍ତଃଜିଲ୍ଲା କ୍ରିକେଟ ଟୁର୍ଣ୍ଣାମେଣ୍ଟର ଏକ ଲିଗ୍ ମ୍ୟାଚରେ ଅନୁଗୋଳ ଦଳ ବୌଦ୍ଧକୁ ୭ ଉଇକେଟରେ ହରାଇଛି । ବୌଦ୍ଧ ଦଳ ଟସ୍ ଜିଣି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା । ଦଳ ପକ୍ଷରୁ ସଫଳ ବ୍ୟାଟ୍ସମ୍ୟାନ ଭାବେ ଜ୍ୟୋତିରଂଜନ ଦଲାଇ ଅର୍ଦ୍ଧଶତକ ଅର୍ଜନ କରିଥିଲେ । ସେ ୮୬ ବଲରୁ ୬୯ ରନ କରିଥିଲେ । ଏଥିରେ ୩ଟି ଚୌକା ଓ ୩ ଛକା ଅନ୍ତର୍ଭୁକ୍ତ ଥିଲା । ସେହିପରି ଅନୁରାଗ ୧୩ ରନ କରିଥିବା ବେଳେ ତାପସ ୧୦ ରନ କରିଥିଲେ । ଅନ୍ୟ କୌଣସି ବ୍ୟାଟ୍ସମ୍ୟାନ ୨ ଅଙ୍କ ଛୁଇଁପାରିନଥିଲେ । ଦଳ ୩୭.୧ ବଲରେ ୧୨୩ରନ କରି ଅଲଆଉଟ୍ ହୋଇଯାଇଥିଲା । ବୋଲିଂରେ ଅନୁଗୋଳ ଦଳ ପକ୍ଷରୁ ରାକେଶ ବିଶ୍ୱାଳ ସର୍ବାଧିକ ୪ ଉଇକେଟ ନେଇଥିବା ବେଳେ ମିଲନ, ଦୀପକ ଓ ସନ୍ତୋଷ ପ୍ରତ୍ୟେକ ୨ଟି ଲେଖାଏଁ ଉଇକେଟ ନେଇଥିଲେ । ୧୨୪ରନ ବିଜୟ ଲକ୍ଷ୍ୟ ନେଇ ପଡିଆକୁ ଓହ୍ଲାଇଥିବା ଅନୁଗୋଳ ୩ ଉଇକେଟ ହରାଇ ଆବଶ୍ୟକ ରନ ସଂଗ୍ରହ କରିନେଇଥିଲା । ଦଳ ପକ୍ଷରୁ ରାକେଶ ବିଶ୍ୱାଳ ୩୯ ରନ କରିଥିବ ବେଳେ ଅଧିନାୟକ ୩୭ ରନର ଇନିଂସ ଖେଳିଥିଲେ । ରାକେଶ ଗୋଚ୍ଛାୟତ ୨୪ ରନ କରି ଅପରାଜିତ ରହିଥିଲେ । ବୋଲିଂରେ ବୌଦ୍ଧ ଦଳ ପକ୍ଷରୁ ସଫଳ ବୋଲର ଭାବେ ଅନୁରାଗ ୨ଟି ଉଇକେଟ ନେଇଥିବା ବେଳେ ଆର୍ ଯାଦବ ଗୋଟିଏ ଉଇକେଟ ନେଇଥିଲେ ।
