ମୁମ୍ବାଇ : ଗତକାଲି ଏଠାରେ ଆଇପିଏଲର ଏକ ମ୍ୟାଚରେ କୋଲକତା ନାଇଟ ରାଇଡର୍ସ ଓ ରାଜସ୍ଥାନ ରୟାଲ୍ସ ମୁହାଁମୁହିଁ ହୋଇଥିଲେ । ଏହି ମ୍ୟାଚରେ ରାଜସ୍ଥାନ ୬ ଉଇକେଟରେ କୋଲକତାକୁ ହରାଇଥିଲା । ରାଜସ୍ଥାନ ରୟାଲ୍ସ ଫିଲ୍ଡ କରୁଥିବା ସମୟରେ ଏକ ନିଆରା ଦୃଶ୍ୟ ଦେଖିବାକୁ ମିଳିଥିଲା । ଯେତେବେଳେ କୋଲକତା ଦଳ ଧୀମା ବ୍ୟାଟିଂ କରିବା ସହ ଗୋଟିଏ ପରେ ଗୋଟିଏ ହରାଉଥିଲା ଏହି ସମୟରେ ରାଜସ୍ଥାନ ରିୟାନ ମଧ୍ୟ ଗୋଟିଏ ଗୋଟିଏ ଆକର୍ଷଣୀୟ କ୍ୟାଚ୍ ନେଇ ଦର୍ଶକଙ୍କୁ ମନୋରଂରନଜ କରୁଥିଲେ । କୋଲକତା ନାଇଟ ରାଇଡର୍ସର ବ୍ୟାଟ୍ସମ୍ୟାନ ପ୍ୟାଟ କ୍ୟୁମିନ୍ସଙ୍କ କ୍ୟାଚ୍ ନେଇ ରିୟାନ ପରାଗ ଏକ ନିଆରା ଆନ୍ଦାଜରେ ସେଲିବ୍ରେସନ କରିଥିଲେ ।
ପ୍ୟାଟ କ୍ୟୁମିନ୍ସ କ୍ରିସ୍ ମୋରିସଙ୍କ ଏକ ବଲରେ ସଟ୍ ଖେଳିଥିଲେ । କିନ୍ତୁ ଦୁର୍ଭାଗ୍ୟବଶତଃ ବଲଟି ସୀମାରେଖା ପାର ହେବା ପୂର୍ବରୁ ରିୟାନ ପରାଗ ଧରି ନେଇଥିଲେ । କ୍ୟାଚ୍ ନେବା ପରେ ପରାଗ ଦ୍ରୁତ ଗତିରେ ରାହୁଲ ତେବତିଆଙ୍କ ପାଖକୁ ଯାଇଥିଲେ । ରିୟାନ ପରାଗ ଖୁସି ମନାଇବା ସହ ବଲ୍ ସହ ସେଲ୍ଫି ନେଇଥିଲେ । ଉଭୟଙ୍କ ଏହି ଷ୍ଟାଇଲକୁ ଦର୍ଶକ ଖୁବ ପସନ୍ଦ କରିଛନ୍ତି । ଉଭୟଙ୍କ ଏହି ଫଟୋ ସୋସିଆଲ ମିଡିଆରେ ଏବେ ଖୁବ୍ ଭାଇରାଲ ହେବାରେ ଲାଗିଛି ।
