ନୂଆଦିଲ୍ଲୀ : ପାକିସ୍ତାନର ପୂର୍ବତନ ଲେଗ ସ୍ପିନର ଡାନିସ କାନେରିଆ ନିଜର ୟୁଟ୍ୟୁବ ଚ୍ୟାନେଲରେ ବିଶ୍ୱ ଟେଷ୍ଟ ଚାମ୍ପିୟନଶିପ (ଡବ୍ଲୁଟିସି ଫାଇନାଲ) ବିଷୟରେ ଏକ ବଡ କଥା କହିଛନ୍ତି । ନ୍ୟୁଜିଲାଣ୍ଡ ବିପକ୍ଷ ଏହି ଐତିହାସିକ ଫାଇନାଲରେ ରବିନ୍ଦ୍ର ଜାଡେଜା ଭାରତ ପାଇଁ ଏକ୍ସ ଫ୍ୟାକ୍ଟର ହେବେ ବୋଲି ସେ କହିଛନ୍ତି । ଡାନିଶ୍ ତାଙ୍କ ୟୁଟ୍ୟୁବ୍ ଚ୍ୟାନେଲରେ କହିଛନ୍ତି ଯେ ଜାଡେଜା ଜଣେ ୩ଡି ପ୍ଲେୟାର, ଯାହାଙ୍କୁ ଏକାଦଶ ଦୂରେଇ ରଖିବା ଭାରତୀୟ ଦଳ ପାଇଁ କଷ୍ଟସାଧ୍ୟ ଚିନ୍ତା ହେବ । ଜାଡେଜା ତାଙ୍କ ବ୍ୟାଟିଂ, ବୋଲିଂ ଏବଂ ଚମତ୍କାର ଫିଲ୍ଡିଂ ସହିତ ମ୍ୟାଚର ଗତି ବଦଳାଇ ପାରିବେ । ପାକିସ୍ତାନର ପୂର୍ବତନ ଲେଗ ସ୍ପିନର କହିଛନ୍ତି ଯେ ଟେଷ୍ଟ ମ୍ୟାଚ ଜିତିବା ପାଇଁ ବୋଲରଙ୍କ ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଅଟେ । ଏଭଳି ପରିସ୍ଥିତିରେ ବୋଲର ଭାବରେ ଜାଡେଜାଙ୍କ ଚରିତ୍ର ଟେଷ୍ଟ ଚାମ୍ପିଅନସିପର ଫାଇନାଲ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହେବାକୁ ଯାଉଛି ।
ପାକିସ୍ତାନର ଏହି ପୂର୍ବତନ କ୍ରିକେଟର ଜାଡେଜାଙ୍କ ବିଷୟରେ କହିଛନ୍ତି ଯେ, ତାଙ୍କ ପାଖରେ ବ୍ୟାଟିଂ କରିବାର କ୍ଷମତା ଅଛି । ଯାହା ଦ୍ୱାରା ତଳ ଅର୍ଡର ବ୍ୟାଟିଂ କରିବାକୁ ଆସି ଏକ ଭଲ ଭାଗିଦାରୀ କରି ମ୍ୟାଚର ଗତିପଥ ବଦଳାଇ ଦେଇପାରିବେ । ସେହିପରି ଗୁରୁତ୍ୱପୂର୍ଣ୍ଣ ସମୟରେ ୱିକେଟ୍ ନେବା ସହ ରନ୍ ଆଉଟ୍ କରି ମଧ୍ୟ ଦଳକୁ ସଫଳତା ଦେଇପାରିବେ ବୋଲି ଡାନିଶ କହିଛନ୍ତି ।
