ବୌଦ୍ଧ,୧/୧୨- ଆଜି ଅପରାନ୍ହ ପ୍ରାୟ ୫ ଘଣ୍ଟା ସମୟରେ ବୁଟୁପାଲି – ବଘିଆପଡା ରାସ୍ତାର କଂଟୁଆଣି ଛକ ନିକଟରେ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଥିବା ଜଣା ପଡିଛି l ମିଳିଥିବା ସୂଚନା ଅନୁଯାୟୀ ଆଜି ଅପରାନ୍ହ ୫ଘଣ୍ଟା ସମୟରେ ବଘିଆପଡା ଅଂଚଳରୁ ମଧ୍ୟ ପ୍ରଦେଶ ରାଜ୍ୟକୁ ଯାଉଥିବା ଗୋଟିଏ କପା ବୋଝେଇ ଟ୍ରକ ଚକ ରାସ୍ତାରେ ଦବି ଯିବା ଫଳରେ ଭାରସାମ୍ୟ ହରାଇ ଓଲଟି ପଡିଥିଲା l ବଘିଆପଡା ପୂର୍ତ୍ତ ବିଭାଗ ରାସ୍ତା ଦୀର୍ଘ ଦିନରୁ ପ୍ରଶସ୍ତି କରଣ କାର୍ଯ୍ୟ ଚାଲି ଥିଲେ ମଧ୍ୟ କେବେ ସରିବାର ନାମ ନେଉନାହିଁ l ସେଥିପାଇଁ ଏ ରାସ୍ତାରେ ବିଭିନ୍ନ ସମୟରେ ଅନେକ ଛୋଟ ବଡ ଦୁର୍ଘଟଣା ଘଟୁଛି l ରାସ୍ତା କଡରେ ଗାତ ଖୋଳି ଠିକ୍ ଭାବରେ ମାଟି ପକାଇ ରୋଲିଂଗ ହେଉ ନଥିବା ହେତୁ ଆଜି କପା ବୋଝେଇ ଟ୍ରକ ଚକା ଦବି ଯିବାରୁ ଦୁର୍ଘଟଣା ଘଟିଥିବା ପ୍ରତ୍ୟକ୍ଷ ଦର୍ଶୀ ପ୍ରକାଶ କରିଛନ୍ତି | ଗାଡ଼ିରେ ଥିବା ଡ୍ରାଇଭର ଓ ଖଲାସୀ କୌଣସି ଆହତ ନ ହୋଇ ଅଳ୍ପକେ ବର୍ତ୍ତି ଯାଇଥିବା ଜଣା ପଡିଛି l
