ବୌଦ୍ଧ: ସଦ୍ୟ ପ୍ରକାଶିତ ରିପୋର୍ଟ ଅନୁସାରେ ବୌଦ୍ଧଜିଲ୍ଲା ଏବେ ମଧ୍ୟ ଗ୍ରୀନ ଜୋନ ତାଲିକାରେ ରହିଥିବା ଜଣାପଡିଛି । ଯାହାକି ବୌଦ୍ଧଜିଲ୍ଲାବାସୀଙ୍କ ପାଇଁ ଆଶ୍ୱସ୍ତି ଆଣିଦେଇଛି । ବୌଦ୍ଧଜିଲ୍ଲାରେ ୪ଜଣଙ୍କ ଦେହରେ କରୋନା ପଜିଟିଭ ଚିହ୍ନଟ ହୋଇଥିଲେ ମଧ୍ୟ ସମସ୍ତେ ସୁରଟ ଫେରନ୍ତା ଓ ସୁରଟରୁ ଫେରି ସିଧା କ୍ୱାରେଣ୍ଟାଇନରେ ରହିଥିବାରୁ ସଂକ୍ରମଣର ଆଶଙ୍କା ନଥିବାରୁ ଏହାକୁ ଗ୍ରୀନ ଜୋନରେ ରଖାଯାଇଥିବା ମୁଖ୍ୟ ଆଧାର ହୋଇଛି । ଜଗତି ଓ ତେଲିବନ୍ଧ କ୍ୱାରେଣ୍ଟାଇନ ସେଣ୍ଟରରୁ ୪ଜଣ କରୋନା ପଜିଟିଭ ବାହାରିବା ପରେ ପରବର୍ତ୍ତୀ ସମୟରେ ଯେତିକି ରିପୋର୍ଟ ଆସିଛି ସମସ୍ତ ରିପୋର୍ଟ ନେଗେଟିଭ ରହିଥିବାରୁ ଏହା ପ୍ରଶାସନକୁ ଆଶ୍ୱସ୍ତ କରିଥିବ ନିଶ୍ଚୟ ।
