ବୌଦ୍ଧ,୧୨/୫- ବୌଦ୍ଧଜିଲ୍ଲା କଣ୍ଟାମାଳ ବ୍ଲକ୍ ଖଲିଆପାଲି ଗ୍ରାମ ପଞ୍ଚାୟତ ଘଣ୍ଟପାଲି ଠାରୁ ହାତୀପାଲି ଗ୍ରାମ କୁ ଯାଇଥିବା ରାସ୍ତା ଗତ କିଛି ଦିନ ତଳେ ମରାମତି ହୋଇଥିଲା | ମିଳିଥିବା ସୂଚନା ଅନୁଯାୟୀ ମହାତ୍ମାଗାନ୍ଧୀ ନିଶ୍ଚିତ କର୍ମ ନିଯୁକ୍ତି ଯୋଜନା (ମନରେଗା) ରେ 5 ଲକ୍ଷ ଟଙ୍କାର ଅନୁଦାନରେ ମାତ୍ର କିଛି ଦିନ ତଳେ ଏ ରାସ୍ତା ମରାମତି ଓ ମୋରମ ବିଛା କାର୍ଯ୍ୟ କରାଯାଇଥିଲା | ଗତକାଲି ସକାଳେ ହୋଇଥିବା କାଳବୈଶାଖୀ ବର୍ଷାରେ ରାସ୍ତା ଅବସ୍ଥା ବେହାଲ୍ ହୋଇଯାଇଛି l ନିମ୍ନମାନର କାର୍ଯ୍ୟ ଯୋଗୁଁ ଏଭଳି ହୋଇଥିବା ସ୍ଥାନୀୟ ଜନସାଧାରଣ ଅଭିଯୋଗ କରିଛନ୍ତି | ତୁରନ୍ତ ଏ ରାସ୍ତା ପୁନଃ ମରାମତି କରାଯିବାକୁ ଉଭୟ ହାତୀ ପାଲି ଓ ଘଣ୍ଟ ପାଲି ଗ୍ରାମବାସୀ ଦାବି କରିଛନ୍ତି |
