ବୌଦ୍ଧ/ବାଉଁଶୁଣୀ,୨/୧ – ବୌଦ୍ଧ ବ୍ଲକ୍ ବାଉଁଶୁଣୀ ଗ୍ରାମ ପଞ୍ଚାୟତ ବଉଦିଆପଡା ଠାରେ ରାମାୟଣର ସୁନ୍ଦରା କାଣ୍ଡ ପାରାୟଣ ଅନୁଷ୍ଠିତ ହୋଇଯାଇଛି | ବଉଦିଆପଡା ଶ୍ରୀ ରାମଲୀଳା ନାଟ୍ୟ ସଂସଦ ଆନୁକୁଲ୍ୟରେ ଅନୁଷ୍ଠିତ ସୁନ୍ଦରାକାଣ୍ଡ ପାରାୟଣ କାର୍ଯ୍ୟକ୍ରମରେ ଜଣେ ଦ୍ରୁଷ୍ଟିହୀନ ଗାୟିକା ସୁଶ୍ରୀ ମନଭାଙ୍ଗୀ ଭୋଇ ବ୍ୟାସ ଆସନରେ ବସିଥିଲେ l ତାଙ୍କର ଦୃଷ୍ଟି ଶକ୍ତି ନ ଥିଲେ ମଧ୍ୟ ସେ ସମ୍ପୂର୍ଣ୍ଣ ସୁନ୍ଦରାକାଣ୍ଡକୁ ଅନାୟାସରେ ସୁଲଳିତ କଣ୍ଠରେ ଗାନ କରି ଦର୍ଶକଙ୍କୁ ବିମୋହିତ କରି ପାରିଥିଲେ l ତାଙ୍କୁ ଦେଖିବା ପାଇଁ ଓ ସୁନ୍ଦରାକାଣ୍ଡ ଶୁଣିବା ପାଇଁ ଅନେକ ଶ୍ରୋତା ଉପସ୍ଥିତ ହୋଇଥିଲେ |
