ବୌଦ୍ଧ,୧୩/୧୧- ଆଜି ସନ୍ଧ୍ୟାରେ ଜାତୀୟ ରାଜପଥ ନମ୍ବର 57ର ଲଇଗାଁ ନିକଟରେ ଦୁଇଟି ବାଇକ ମଧ୍ୟରେ ଧକ୍କା ହେବା ଫଳରେ ଜଣେ ବାଇକ ଆରୋହୀ ଗୁରୁତର ଆହତ ହୋଇଥିବା ଜଣା ପଡିଛି l ମିଳିଥିବା ସୂଚନା ଅନୁଯାୟୀ ଆଜି ସନ୍ଧ୍ୟାରେ ଲଇଗାଁ ନିକଟରେ ହୋଇଥିବା ଦୁଇ ବାଇକ ମଧ୍ୟରେ ଧକ୍କା ଫଳରେ ବୀରମହାରାଜପୁର ଥାନା ଅନ୍ତର୍ଗତ ଲୁମୁରଜନା ଗ୍ରାମର ଚିତ୍ତ ରଞ୍ଜନ ପଣ୍ଡା (28 ) ଗୁରୁତର ଆହତ ହୋଇଛନ୍ତି | ଖବର ପାଇ ହରଭଙ୍ଗା ଦମକଳ ବାହିନୀ ତାଙ୍କୁ ଦୁର୍ଘଟଣା ସ୍ଥଳରୁ ଉଦ୍ଧାର କରି ପୁରୁଣା କଟକ ଗୋଷ୍ଠି ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ | ତାଙ୍କର ଗୋଡରେ ଗଭୀର କ୍ଷତ ସୃଷ୍ଟି ହୋଇଥିବା ଜଣାପଡିଛି l
