ବୌଦ୍ଧ / ବାଉଁଶୁଣୀ,୧୩/୨ – ଆଜି ଅପରାନ୍ହ ପ୍ରାୟ 4 ଘଣ୍ଟା ସମୟରେ ଜାତୀୟ ରାଜପଥ ନମ୍ବର 57 ର ବାଉଁଶୁଣୀ ଥାନା ବହିରା ସ୍କୁଲ ଛକ ନିକଟରେ ଭାରସାମ୍ୟ ହରାଇ ଏକ ବାଇକ ଦୁର୍ଘଟଣା ହେବା ଫଳରେ ଦୁଇ ଜଣ ବାଇକ ଆରୋହୀ ଗୁରୁତର ଆହତ ହୋଇଥିବା ଜଣା ପଡିଛି l ମିଳିଥିବା ସୂଚନା ଅନୁଯାୟୀ ବ୍ରାମ୍ହଣୀ ପାଲି ଗ୍ରାମ ପଞ୍ଚାୟତ ଦାଦରେଙ୍ଗା ଗ୍ରାମର ବିରେନ ଭୁକ୍ତା (19) ଓ ଅନନ୍ତ ଭୁକ୍ତା (18) ଜାତୀୟ ରାଜପଥ ନମ୍ବର 57 ରେ ବାଇକ ଓଡ଼ି 27 ବି 6120 ଯୋଗେ ଆସୁଥିବା ବେଳେ ବହିରା ସ୍କୁଲ ଛକ ନିକଟରେ ଭାରସାମ୍ୟ ହରାଇ ବାଇକ ସହ ପଡି ଯାଇଥିଲେ l ଫଳରେ ଉଭୟେ ଗୁରୁତର ଆହତ ହୋଇଛନ୍ତି | ଖବର୍ ପାଇ ବାଉଁଶୁଣି ଦମକଳ ବାହିନୀ ଉଭୟ ବାଇକ ଆରୋହୀଙ୍କୁ ନେଇ ବାଉଁଶୁଣୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲା l
