ଦଶପଲ୍ଲା,୨/୬- ନୟାଗଡ଼ର ଗ୍ରାମାଞ୍ଚଳରେ ଘଣ୍ଟାଘଣ୍ଟା ଧରି ଅଘୋଷିତ ବିଦ୍ୟୁତ କାଟ୍ରେ ଲୋକେ ଗରମରେ ଓ ଗୁଳୁଗୁଳିରେ ଅତିଷ୍ଠ ହୋଇପଡ଼ୁଥିବା ଦେଖିବାକୁ ମିଳୁଛି। କରୋନା ଲକ୍ଡାଉନରେ ଲୋକେ ଘରେ ଆବଦ୍ଧ ହୋଇ ରହିବାକୁ ଚାହୁଁଥିଲା ବେଳେ ବିଦ୍ୟୁତର ଲୁଚକାଳି ଖେଳ ଲୋକଙ୍କୁ କଲବଲ କରି ପକାଉଛି। ବାରମ୍ବାର ବିଦ୍ୟୁତ କାଟ୍ ଯୋଗୁଁ ଲୋକମାନେ ଅସନ୍ତୋଷ ପ୍ରକଟ କରୁଥିବାବେଳେ ବିଭାଗୀୟ ଅଧିକାରୀଙ୍କୁ ଜଣାଇଲେ ମଧ୍ୟ କିଛି ପ୍ରତିକାର ନଥିବା ଅଭିଯୋଗ ହେଉଛି। ସାମାନ୍ୟ ପବନ ହେଲେ ବିଦ୍ୟୁତ କାଟ୍ କରାଯାଉଥିବାବେଳେ ପ୍ରାୟ ସମୟ ଦ୍ୱିପ୍ରହରେ ବିଦ୍ୟୁତ କାଟ୍ କରାଯାଉଥିବାରୁ ଲୋକମାନେ ଗରମରେ ଅତିଷ୍ଠ ହୋଇପଡ଼ୁଥିବା ଅଭିଯୋଗ ହେଉଛି। ଏଥିପ୍ରତି ବିଭାଗୀୟ କର୍ତୃପକ୍ଷ ଧ୍ୟାନ ଦେବାକୁ ଦାବି ହେଉଛି।
