ବୌଦ୍ଧ,୯/୧୦- ଗତ ବିଳମ୍ବିତ ରାତିରେ ଜାତୀୟ ରାଜପଥ ନମ୍ବର୍ 57 ର ପୁରୁଣାକଟକ ଥାନା କରଡାକୋଠା ନିକଟରେ ଭାରସାମ୍ୟ ହରାଇ ଗୋଟିଏ ମହିନ୍ଦ୍ରା ଟିୟୂଭି କାର୍ ଦୁର୍ଘଟଣା ଘଟିଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ଗତ ବିଳମ୍ବିତ ରାତିରେ ବରଗଡରୁ ଭୁବନେଶ୍ବର ଯାଉଥିବା ଗୋଟିଏ ମହିନ୍ଦ୍ରା ଟିୟୂଭି କାର୍ ଓଡି 17 ପି 0666 ପୁରୁଣାକଟକ ନିକଟ କରଡାକୋଠା ନିକଟରେ ଭାରସାମ୍ୟ ହରାଇ ରାସ୍ତା କଡ଼ ଗଛରେ ପିଟି ହୋଇ ଦୁର୍ଘଟଣା ଘଟିଥିଲା l ଗାଡ଼ିରେ ଥିବା ଆହତ 6 ଜଣ ଯାତ୍ରୀଙ୍କୁ ପ୍ରଥମେ ପୁରୁଣାକଟକ ଡାକ୍ତରଖାନାରେ ଭର୍ତ୍ତି କରାଯାଇଥିଲା ଓ ପରେ ବୌଦ୍ଧ ଡାକ୍ତରଖାନାକୁ ନିଆଯାଇଥିଲା l ଅବସ୍ଥା ଗୁରୁତର ଥିବାରୁ ସେମାନଙ୍କୁ ବୁର୍ଲା ରେଫର କରାଯାଇଥିବା ଜଣାପଡିଛି l କରଡାକୋଠା ନିକଟରେ ନିୟମିତ ଦୁର୍ଘଟଣା ଘଟୁଥିବା ଚିନ୍ତାର ବିଷୟ ପାଲଟିଛି l ରାଜପଥ କର୍ତୃପକ୍ଷ ଏ ଅଞ୍ଚଳକୁ ଦୁର୍ଘଟଣା ପ୍ରବଣ ଅଂଚଳ ଭାବେ ଘୋଷଣା କରି ସୂଚନା ଫଳକ ଲଗାଇବାକୁ ଜନସାଧାରଣରେ ଦାବୀ ହେଉଛି l
