ବୌଦ୍ଧ,୧୩/୧୧- ହରଭଙ୍ଗା ବ୍ଲକ୍ ବାମଣ୍ଡା ପଂଚାୟତ ନାୟକ ପଡା ଠାରେ ଅବସ୍ଥିତ ଋଷ୍ୟଶୃଂଗ ଆଶ୍ରମ ଓ ଶ୍ରୀ ଜଗନ୍ନାଥଙ୍କ ପାତାଳି ଶ୍ରୀ କ୍ଷେତ୍ରକୁ ଆଜି ଜିଲ୍ଲାପାଳ ଲଲାଟେନ୍ଦୁ ମିଶ୍ର ପରିଦର୍ଶନରେ ଯାଇଥିଲେ l ଜିଲ୍ଲା ପ୍ରଶାସନ ଉକ୍ତ ସ୍ଥାନକୁ ଏକ ସୁନ୍ଦର ମନୋରମ ପର୍ଯ୍ୟଟନ ସ୍ଥଳୀ କରିବାକୁ ରୋଡ଼ ମେପ ତିଆରି ହୋଇ ରାଜ୍ୟ ଓ କେନ୍ଦ୍ର ସରକାର ଙ୍କୁ ପ୍ରସ୍ତାବ ପଠେଇଥିବା ବେଳେ ସ୍ଥାନୀୟ ପଂଚାୟତ ଓ ବ୍ଲକ ଦ୍ୱାରା ଭିତ୍ତି ଭୂମି ତିଆରି କରିବାକୁ ନିର୍ଦ୍ଦେଶ ଦେବା ସହିତ ସ୍ଥାନୀୟ କମିଟି ଓ ଜନସାଧାରଣ ଙ୍କୁ ସହଯୋଗ ନିମନ୍ତେ ଅନୁରୋଧ କରିଥିଲେ l ଏଠାରେ ମୃଗ ବିହାର, ଔଷଧୀୟ ଉଦ୍ୟାନ, ଆଶ୍ରୟ ସ୍ଥଳୀ, ଦୋକାନ ସହିତ ଆନୁସଙ୍ଗିକ ଭିତ୍ତି ଭୂମି ପାଇଁ ପ୍ରତିଶ୍ରୁତି ଦେଇଥିଲେ l ଏହି ଅବସରରେ ଆଶ୍ରମ ର ଅନ୍ତେବାସୀ ମାନକୁ ମାକ୍ସ, ମଶାରୀ ଓ କମଳ ପ୍ରଦାନ କରିଥିଲେ l ଏହି କାର୍ଯ୍ୟକ୍ରମ ରେ ସହକାରୀ ଜିଲ୍ଲାପାଳ ତଥା ଜିଲ୍ଲା ଜରୁରୀ କାଳୀନ ଅଧିକାରୀ ଅଭିନାଶ ପାଣ୍ଡିଆ, ଆର୍କିଟେକ ତଥା ସମାଜସେବିକା ସୁମନ ଷଡ଼ଙ୍ଗୀ, ହରଭଙ୍ଗା ବ୍ଲକ ବିଡ଼ିଓ ନୀଳକଣ୍ଠ ବେହେରା, ସରପଞ୍ଚ,ଲଳିତ ମୋହନ ଥାଟି ପ୍ରମୁଖ ଉପସ୍ଥିତ ଥିଲେ l
